Wir Boemund von gotis gnaden Erczbischoff ze Triere des heiligen Römisch(e)n Riches Erczcanczler in Gallischen landen vnd in dem künigreich ze Arelat Erkennen vnd tůn kunt offenlich
mit disem brieue allen den die in sehent oder hörent lesen Daz der Edil man h(er) vlrich lantgraff in den leüczmbg(er) von seinen vnd h(er)n Johans seynes brud(er) wegen komen
ist in vnser vnd aller and(er)r geistlich(er) vnd werltlich(er) kurfursten gegenwertikeit vnd hat bekennet mit guten willen vnbetwungen vnd mit rechte wizzen daz der egen(ant) her Jo
hans sein brud(er) er vnd ir beyder erben yre heüser pleynstein vnd Eichenstein vnd waz darzu gehöret dem Allerdurchleuchtigstem fursten vnd h(er)n hern Karl Römisch(e)m
keiser ze allen zeiten mer(er) des Riches vnd künige ze Beheim vns(er)m liebn gnedigen h(er)n als eynem künige ze Beheim seinen erbn vnd nachkomen künigen ze Beheim
vnd der Cronen desselben künigreichs ze Beheim rechte vnd redlich vfgelazen habn vnd die von dem obgen(ant) vns(er)m h(er)n dem keiser als von eynem künige ze Beheim vnd
der Cronen desselben künigreichs ze ewigem erlich(e)n lehn empfangen haben Vnd dornach bekennen wir auch daz wir in aller and(er)r kurfursten gegenwertikeit als
dauor begriffen ist den egen(ant) Lantgrafen vlrich(e)n der do zegegen was h(er)n Johans seynen brud(er) vnd ir beid(er) erbn ledig vnd los gesagt habn aller huldung eyde
vnd glübde der sie vns vnd vns(er)m stifft ze Triere vbunden warn von wege yres hauses ze Stärbg(er) daz von vns vnd dem egen(ant) vns(er)m stifft ze Triere lehn was
Wann selig(er) gedechtnus her Baldewin etwenn Erczbischoff ze Triere vns(er) furfar die selbn manschafft v(er)wechselt hatte mit dem künigreich von Beheim vmb andre le
hen vnd manschafft die vns vnd vns(er)m stifft der egen(ant) vns(er) h(er)r der keiser drumb gebn hat vnd vns derselbn in gewer seczen wil vnd sol nach leute seyn(er) brieue
die wir daruber haben Dornoch so hat der egen(ant) Lantgraff vlrich fur sich h(er)n Johansen seinen brud(er) vnd yr beider Erbn daz egen(ant) haus ze Stärbg(er) mit den nachge
schribnen guten vnd dorfern Eckenreut Eczendorff hezendorff Drochsenreut gailstorff wamsental hieslins vnd den hoff ze hung(er) den hoff ze awgärtz die visch
rey bei Stankwacz mit wisen welden Ecker(n) geat(er)n vnd vngeat(er)n vnd mit all(e)n and(er)n dingen die zu dem egen(ant) haus ze Stärbg(er) gehörent dem egen(ant) vns(er)m herren
dem keiser als eynem künige ze Beheim seine(n) Erbn vnd nachkomen künige ze Beheim vnd der Cronen desselben künigreichs auch vnbetwungen mit gutem willen
rechte vnd redliche vfgelazen vnd die von ym zu rechtem erlichem lehn empfangen vnd hat ym fur sich h(er)n Johansen seinen brud(er) vnd ir beider erbn gehuldet
gelobt vnd gesworen daz sie ym als einem künige ze Beheim seinen Erbn vnd nachkome(n) künigen ze Beheim vnd der Cronen desselben künigreichs getrüe gehor
sam vnd vnd(er)tenig sein welln vnd sulln vnd alles daz gen ym tetün daz man gen yren rechten lehn h(er)n tetün pflichtig seint vnd auch in aller der weise als sie
suliche huldung getan habn in den zeiten do sie die obgen(ant) yre vesten pleynstein vnd Eichenstein von dem künigreich ze Beheim empfingen Vnd des ze vrkund
ze ewigem gedechtnus vnd zu geczeuge geben wir diesen brieff v(er)sigilt mit vns(er)m Insigel der gebn ist ze Nürembg(er) nach Criste geburt dreiczenhund(er)t Jar vnd
dornoch in dem Sechs vnd funfczigstem Jare des nehsten tages vor dem heiligen obristen tage