Karolus primogenitus Regis francorum Dux Normann(ie) et dalphinus viennen(sis) Notum facimus tenore presencium vniuersis
quod sicut pridem serenissimus princeps dominus et genitor noster Johannes Rex francorum dum esset in armorum constitutus animo deliberato cum serenissimo
principe domino Karolo Romanorum imperatore semper augusto et Boemie Rege Illustri domino et auunculo nostro sub anno domini millesimo CCCmo quin
quagesimo sexto dum ipse adhuc Raymundi constitutus foret pro se nobis et caris fratribus nostris videlicet ludouico Andegauen(si) Johanne pictauen(si) comitibus
et pro Juniore fratre nostro tunc scolare tam ob sincerissimam dileccionem qua persona ipsius prosequebatur et affinitatem sinceram prosequitur prout certa
colligaciones promissiones et diuorcia interuenere prout littere desuper date desuper clarius attestantur sic et nunc nos qui super Normann(iam) ducatu persona
una eadem promissa et colligaciones ad instar premissorum et dicti genitoris nostri in dei saluatorem uniuersorum et cuiuslibet regnorum et eorum salute subiectorum
nobis ex utraque parte fidelium sicut ex preteritis patuit nec quidem dignoscimur innouari firmari et corroborari sub tenore infrascripto In primis
siquidem promittentes bona fide sine omni dolo et in virtute iuramenti quod desuper ad euangelia sancta iurauimus pro nobis heredibus et successoribus nostris in quocumque
statu fuerimus seu fuerint constituti prefato domino Imperatori et Regi Boemie heredibus et successoribus suis Boemie Regibus quod amodo in antea de cetero
imperpetuum ipsos et cuiuslibet eorum legales boni atque perfecti amici erimus et honorem decorem statum commodum et profectum eorum semper parati
erimus omnibus modis et adiutoriis et ingeniis sicut decet inclito promouere ac diuersum dampnum ipsorum quod eis in personis honore vel rebus in regnis poss(essionibus)
dum ad nostram noticiam peruenerit fideliter auertemus Jtaque eorum querelis ad resistendum quibuscumque aduersariis et hostibus qui talia dampna contra eos
seu eorum alterum aut in preiudicium bonorum statuum et condicionum eorum quomodolibet molirentur Jtaque predicto imperatori et Regem Boemie
adiuuabimus et fortificabimus tota nostra potencia consilio auxilio et alio modo quo poterimus meliori et realiter et effectiue adiuuabimus et
opponemus nos omnibus Regibus principibus et aliis cuiuscumque status eminencie aut dignitatis existant qui ipsorum dispendium ruinam seu
deterioracionem perquirerent et honorem profectum et statum eorum custodiemus legaliter ut possumus Et ne post amicabiles huiusmodi diuorcia et amicicie
gratiam concordiam alique dubietates inter nos utrobique quacumque racione contingant et ut future scandali via seu materia precludatur
Promittimus et spondemus fide et iuramento quibus supra pro nobis heredibus et successoribus nostris in quocumque statu fuerimus seu fuerint consti
tuti quod supradictum dominum imperatorem carissimum auunculum nostrum in possessione omnium et singularum ciuitatum terrarum castrorum Jur(ium)
dominiorum ditionum pertinenciarum et iurium ad imperium Roman(um) quomodolibet spectancium vbicumque talia fuerint constituta non impediemus
aut inuademus seu ex talibus partibus iuribus et possessionibus sicut exprimitur superius nos intromittemus vel inuadi molestarj aut
se de hiis intromitti consenciemus paciemur aut sustinebimus calo seto vel suggestu ymmo verius eum ad manuteniendum predicta et
eorum quodlibet tota nostra potencia tenebimur fideliter promouere Sicut idem dominus imperator Roman(orum) et Boemie Rex nobis vicersa promisit fide
et iuramento quibus supra nos heredes et successores nostros in quocumque statu fuerimus seu fuerint in omnibus ciuitatibus castris terris
Jurisdictionibus dominiis pertinenciis et quibuslibet iuribus ad nos seu ius Romanum spectantibus vbicumque fideliter et in eorum seu eam
possessione non impedire aut molestare seu inuadi vel nos molestari aut inuadi constituere ymmo verius promisit fide et iuramento
quibus supra nobis ad manuteniendum et conseruandum predicta auxilia fauores et consilia modis expressatis superius fideliter subuenire ac
supradictas diuorces confederaciones et alligancias sub omnibus condicionibus expressatis superius inuiolabiliter obseruare Quod ut firmum et
stabile permaneat in futurum presentibus litteris iussimus apponi Sigillum Datum a tergo Anno domini millesimo CCCmo
Quinquagesimo Sexto Mense Decembris

Per dominum ducem presente
domino cancellario francie
Sy(mon) Stojer