Wir Boemund von gots gnaden Ertzbischoff zu Triere des heiligen Romischen Riches durch Welsclant vnd daz kungrich von Arelat
Ertzcanceler bekennen vnd tun kunt offinlich mit disem briue allen den die yn sehen odir horen lesen daz vns kuntlich vnd wizzintlich ist
daz der hochgeborn furst her Ruprecht der elter pfalentzgraf by dem Rem des heiligen Romischen Riches obrister Trossesse vnd hertzog in
Beyern dem allirdurchluchtigsten fursten vnd herren h(er)n Karl Romischem keiser zu allen ziten merer des Riches vnd kung zu Beheim vn(s)ir(m)
sirm liebn gnedigen herren soliche briue gegebn hat versigilt mit sinem grozzen hangenden Jnsiegel als von wort zu wort hernach
ist geschriben Wir Ruprecht der elter von gots gnaden pfalentzgraf by R(in)e des heiligen Romischen Riches obrister Trossesse vnd hertzog
in Beyern bekennen vnd tun kunt offenlich mit disem briue allen den die yn sehent odir horent lesen daz vns kuntlich vnd wizzintlich
ist vnd daz selbe vnsir eltern vnd andern hertzogen zu Beyern an vns vnd seliger gedechtnisse den hochgeborn hertzog Rudolf vnsirn brud(er)
herbracht haben daz die vesten vnd merkte der Hoenstein Hersprugge vnd Erbach die von vnsirs brudirs hertzog Rudolfs des borgen
tode vff vns verfallen waren vnd die wir dem allirdurchluchtigsten fursten vnd herren h(er)n Karln Romischem keiser zu allen ziten merer
des Riches vnd kung zu Beheim vnsirm lieben genedigen herren als einem kunige zu Beheim vnd der cronen desselben kungrichs zu Be
heim recht vnd redelich verkauft haben von niemant andirs ruren danne von dem heiligen Romischen Riche vnd wir vnsir elen vnd
brudirwicz von niemand andirs gehabet haben nur von dem heiligen Riche als davor begriffen ist zut vrkunt ditz briefs vsigilt mit
vnsirm Jngesiegel Gebn zu heidelberg nach Cristus geburt drutzinhundirt Jare dornoch in dem achten vnd funfzigstem Jare am nech
sten donrstag nach der heiligen tzwolfbotten sant petir vnd sant pauls tage Vnd des zu vrkunt vnd daz vns die wigen sachen in der
meinung als sie geschriben sein wol kuntlich vnd wissentlich sin so haben wir vnsir Jnsiegel an diesen brieff tun henken der geben
ist zu Triere nach Cristus geburt drutzeinhundert Jar dornach in dem acht vnd funfzigstem Jar an sant Marien Magdalenen tag