Wir friderich von gots gnaden Lantgraue zu duringen Marggraue zu meysne in dem osterlande vnd zu landsperg Graue zu orlamund vnd herre der landte zu plyssne Bekennen vnd tun
kunt offenlich mit disem briue allen den die yn sehent oder horent lesen Daz wir von vnser selbs vnd von der hochgebornen fursten vnd herren wegen Balthasar ludweiges vnd wil
halms vnser liebn bruder vnd vnser aller erben vnd nachkomen ewiclich mit wolbedachtem mute mit rate vnser getruwen vnd mit rechter wizzen dem Allerdurchlauchtigstem
fursten vnd herren hern karle Romischem keiser zu allen zeiten merer des Reiches vnd kunige zu beheim vnserm liebn gnedigen herrn als eynem kunige zu beheim seinen erbn vnd
nachkomen kunigen zu beheim vnd der Cronen desselben kunigreichs in rechtem nuczlichem wechsil von vnser herschaft vnd vetterliches erbe gebessert ist ingeben ingeantwurt
vnd vffgerichtet haben die nachgeschriebne gut daz ist Spremberg vnd waz darzu gehoret mit aller eigenschaft lehenrechten herscheften vnd andern rechten die wir dorzu ge
habt haben oder gehaben mochten in dheinenweis vnd vorzeihen vns fur vns selber die egenant vnser bruder vnd alle vnser erbn vnd nachkomen ewicleichn alles rechten
ansprache vorderung vnd zuuorsicht die wir zu den egenant guten vnd iren zugehorungen gehabt habn oder gehaben mochten in dheinenweis in zukunftigen zeiten vnd meynen
vnd wellen auch ob wir dheinerleye briue von dem heiligen Reiche oder sust von ymanden andirs doruber hetten in welichen worten synnen oder meynungen die begriffen we
ren daz die gentzlich absein vnd vns vnseren brudrn vnsern erbn vnd nachkomen keinen fromen bringen sullen Sunder sie sullen tot vorwerfet vnd alzumal vnkreftig sein
als verre sie den kunigen dem kunigreich vnd der Cronen zu beheim schaden bringen mochten in den obgen sachen Ouch gelobn wir fur vns vnser egenant brudere vnd alle vn
ser erben vnd nachkomen in guten truwen one geuerde mit wolbedachtem mute mit rate vnser getruwen vnd mit rechter wizzen dem obgenant vnserm hrn dem keiser als ey
nem kunige zu beheim seinen erben vnd nachkomen kunigen zu beheim daz wir yn die egen guter Spremberg vnd waz dorzu gehoret mit aller eygenschaft lehenrechten h
scheften vnd andern rechten die wir dorzu gehabt habn oder gehaben mochten in dheinenweis antwurten verantwurten vorsprechen vnd sie der gentzlich geweren sullen
vnd wollen vor ansprache allermennicliches vnd beynamen vor anspruch vnd anredung des hochgebornen fursten vnd herren hern ludoweiges des Romers Margrauen zu
Brandenburg des heiligen Reiches Obirsten Camerers vnsers lieben oheims als in den landen gewonlich vnd recht ist Des hat der egenant vnser gnediger herre der
keiser als eyn kunig zu beheim vor sich seyne erbn vnd nachkomen kunige zu beheim vns vnsern bruder vnd vnsern erben do entgegn ingeben ingeantwurtit vnd vf
gerichtet zu rechtem nuczlichen wechsil die nachgeschriebne gut daz ist lubow bei plawen der stat gelegen die houe plousnicz vnd den steyn mit allen iren zu
gehorungen vnd allen eygenscheften lehenrechten herscheften vnd andern rechten die er als eyn kunig zu beheim von wegen der Cronen vnd des kunigreiches zu be
heim dorzu gehabt hat oder die er vnd sein erbn vnd nachkomen kunige zu beheim darzu gehaben mochten in dheinen zukunftigen zeiten Ouch hat der egenant
vnser gnediger hre der keiser vns vnseren brudern vnd vnseren erben die genad getan daz wir hirzperg die vesten mit allen zugehorungen nuczen vnd vel
len wie mann die benennet vor Czwelifhundert Mark silbers vnd fur funfhundert schok grozzer pfennige prager Muncze innehaben nuczen vnd besiczen
sullen zu rechtem pfande nach laute der briue die der edle man her hennich der lange vogt zu plawen vormals doruber gehabt hat vnd dieselbn pfantsch
afft sol weren vnz an die czeit daz der egenant vnser herre der keiser oder sein nachkomen an dem heiligen Reiche Romischen keisere oder kunige vns die egen
Summen geldis gar vnd gentzlichen richten vnd bezalen Ouch geloben wir fur vns vnser bruder die egen vnd alle vnser erben vnd nachkomen in guten truwe
one geuerde dem egenanten vnserm herren dem keiser vnd dem heiligen Reiche daz yme vnd seynen nachkomen Romischen keisern vnd kunigen die obgenant ves
ten die weil sie vnsere ist offen sein sol zu allen iren noten vnd geschefften wie swenne oder als offte sie des bedurfen Des zu vrkunde han wir vnser furst
liches Ingesigel an diesen brieff lazen hangen Der geben ist zu sulczpach nach Cristus geburt drewzehenhundert Jar dornach in dem achte vnd funfczigisteme
Jare an dem nehesten Montag vor des heiligen Cwelefbotein sancti Bartholomeus tage