Ich heinrich von waldenstein Bekenn vnd tun kunt offenlich mit disem briefe
allen den die in sehent od(er) horent lesen daz der allirdurchluchtigste furste vnd h(er)re
her karl Romischir keis(er) zu allen zeiten merer des Reichs vnd kunig zu Beheim
mein liebir genedig(er) h(er)re In den funftausenten vnd Jetzig schokken die er mir
vor das hausz wegen Rotemburg schuldig ist daz er von mir vmb daz ege(n)n(ant) gut ge
kauft hat wier an demselbn gelde gebn vnd bezalt hat fumfhundirt schok gutir
Behemischir grosz derselben fumfhundirt schokke sag ich den ege(n)n(ant)en meinen h(er)ren
den keis(er) vnd alle sein erben fur mich vnd alle mein Erben gantz vnd gar quit
ledig vnd los mit disem briefe besiegelt mit meins h(er)tzen heimlichs angedruk
tem Jngsiegel der gebn ist zu prage nach cristes geburte Dreytzehnhundirt iar in
dem Sechtzigisten iare an dem nahsten freytage vor alir manne vasnacht