Ich friderich von haydeck bekennen vnd tun kunt offenlich mit disem brieff allen den die yn sehen od(er) horen lesen daz ich v(m)b mich
alle meyn erben vnd nachkomen mit fryen wille vnd vmb redeliche sache dem allerdurchluchtigesten fursten vnd meinem gnedigen
herren h(er)n karl romischem keiser zu allen ziten mer(er) des reichs vnd kunig zu beheim seinen erben vnd nachkomen kunigen zu beheim
vnd der crone desselben kunigrichs / vnd yn gegenw(er)tikeit desselben meins herren als eyns romischen keisers vnd ander dieser nachge
schriben fursten grafen fryen herren rittern vnd knechten aufgetragen vnd aufgegeben habe mit rechter vnd gewonlicher gerlich
keit den eygentu(m) myner vestene vnd herschaft von haydeck vnd alle ir zugehorunge vnd daz derselbe meyn h(er)r als eyn kunig
zu beheim vor sich sein erben vnd nachkomen kunige zu beheim vnd von wege der crone desselben kunigrichs mir vnd myne(n)
erben die vorg(e)n(anten) vestene vnd herschaft zu haydeck mit all ir zugehorunge zu rechte(m) edilen lehenschaft vnd zu auftebegem haus
vnd vestene zu all irem willen vnd notdorft gelihen hat zu edil lehene vnd daz ich vnd meyn erbn yn dorumb vnd mit der
selben warten sal vnd gehorsam sein als meins h(er)n des keisers vnd myne brieue die darub(er) zu beidenteil geben sein volkomlich
halten vnd begrifen vnd seint hie bei gewesen die hochgeborn fursten vnd herren her rudolf herzoge zu sachsen des heiligen reichs
obrist marschalk her bolko herzog zu der swidnig vnd her wladisla(us) herzog zu tessin die erwirdigen in got vater vnd h(er)ren
her diderich byschoff zu mynden vnd her albrecht byschoff zu swerin die edlen h(er)n her burghart burgraf zu magdeburg hofmeister
des keislichen hofs her eberhart graff zu wirtemb(er)g her vlrich der elter graff zu helfenstain her thome von koldicz her johan
von rosenb(er)g her vlrich von minnenhaus her borsso von rysemb(er)g der schenke von lymburg her swiker von gundelfingen
vnd ander vil edel vnd erber lute vnd des zu vrkund han ich mein jngesigel an diesen brieff gehangen der geben ist zu Nurenbe(r)g
nach crists geburt druzenhund(er)t jar darnach in dem sechczigsten jar an sant clemencen tag :