Wir Lud(wig) der alt und Lud(wig) der Jung(er) bayde h(er)czog(en) ze Bair(e)n bekenn(en) offenleich(en) mit disem brief
umb die vier tausend guldein die man geit und bezalt hat Johannsen von deggendorff uns(er)m lieb(en)
getrewe(n) an uns(er) stat von des durchleuchtigosten fursten h(er)rn Karls des Römischen kays(er)s un(d)
des Erwirdigen h(er)rn Dyetrichs von Gots gnaden Byschofs zu Strasburg wegen von Rosenhaim
un(d) Eurburg wegen und umb die vorgen(anten) vier tausend guldein sagen wir die obgen(anten) uns(er)
gnedig h(er)ren der vorgen(anten) vier tausend guldein qwit ledig und losz Zu urkund dicz briefs
der mit uns(er)s Insigels besigelt ist das hiean hangend Der gebn ist nach k(ri)stes geburd
Dreuczehen hund(er)t Jare und in dem ains und sechczigosten Jare an dem nesten afft(er)
montag nach uns(er) frawen tag als sy gen hymel fur