Wir Leupold von gotes gnaden Bischof zu Bamb(er)g Bekennen offenlichen mit disem brif
daz wir empnumen vnd enphangen haben von dem Allerdurchleuchtigistem herren vns(er)m gne
digen herren h(er)rn karlin Romischen kayser zu allen zeiten mer(er) des Reichs vnd kung zu
Behem zwelf hunder phunt vnd fumf vnd zwentzig phunt heller von des kaufes
wegen den wir getan haben mit gunst vnd willen vns(er)s Capitels vmb vns(er) gult die
wir vnd vns(er) Stift gehabt habn in dem dorf genant Erlangen Vnd sagen vns(er)m gn(edigen)
herren des obgenanten geltes mit disem brif ledig vnd los Mit vrkund ditz brifs
versigelt mit vns(er)m anhangenden insigel D(er) geben ist zu Bamb(er)g Nach crist ge
burt dreutzehen hund(er)t iar vnd darnach in dem Ayn vnd sechtzigistem iar an
des heiligen Cristes Abent