Wir her hans von wotinstein her czu fridelant vnd czu sarow bekennen in dissem ke
ginwirtigen offen brife vnd tun kunt allen den dy en sehen horen vnd lesin das vor
vns komen ist vnser getruwe hengil sprimbg miteburger czu smideberg vnd syne er
bin vnd hat vorkouft vnsirm getruwen Juden czisschen czu sarow vnd synen erbin das
dorf czu dem laze recht vnd redelich mit gutin willen vnd mit vorbedachtem mute
vor sebinczig schok prgisschen grosschin palamisschir zal an allen gnaden mit allen rechten
mit allen czu horungen mit aller friheit als heris vnd sine erbin von vns erblich gehabe
habin mit den selbin gnadin vnd rechten als is der vorgenante hengil sprimbg vnd sine
erbin besessin vnd gehabe habin so libe wir vnd habin geleyt das vorgenante gut czu dem
laze vnsirm getruwen Juden czisschen vnd sinen erbin czu besiczen czu habene vnd czu be
haldene hir obir sin gewest vnser libin getruwen mane fridrich von lidebech hans
von niclyn smidelt von wathow vnd petir von stebig vnd andir bedirbe lute vil In
urkunde der warheit vnd czu eyner gedechtnisse habe wir vnser Ingesigel an den brif
lasin hengen der vnder wir bekennen alle disse vorgeschriben rede der brif ist gegebin
Nach gotis gebort Tusent Jar dryhundirt Jar In dem vinf vnd seczcigisten iare an
deme nestin montage nach mitvasten