Urbanus ep(iscopu)s seruus seruor(um) dei Dilecto filio Nobili uiro Ottoni Marchioni Brandeburgen(si) et dilecte in
xpo filie Nobili mulieri Katerine nate Carissimi in xpo filij n(ost)ri Caroli Roman(orum) Jmperatoris semper Augusti et Boemie Regis Jllustris Sal(u)t(em) et
aplicam ben(edictionem). Et si inter illos quos in prohibitis gradibus nexus consanguinitatis uel affinitatis astringit sacror(um) censura canonum matrimoniale(m) copula(m)
interdicat Roman(us) tame(n) Pontifex ex plenitudine potestatis quam no(n) ab homine obtinet sed a deo considerata personar(um) et tempor(um) qualitate nonnunqua(m)
rigorem max(im)e circa sublimes personas mansuetudine temperat et quod negat iuris seueritas de gratia benignitatis indulget. Exhibita siquide(m) nobis
pro parte u(est)ra petitio continebat q(uo)d nuper inter Carissimum in xpo filium n(ost)r(u)m Carolum Roman(orum) Jmperatorem semper Augustum ac Boemie Regem Jl
lustrem genitorem tuu(m) filia Katherina et te fili Otto habitus est tractatus q(uo)d pro corroboratione consanguinitatis et dilectionis que dudum inter
dictum Jmperatorem et te Otto uiguit prout uiget uos matrimonialiter copuletis sed quia ab vno Tercio et ab alio lateribus Quarto consanguinita
tis gradibus simul coniuncti existitis tractatus huiusmodi adimpleri non potest dispensatione super hoc aplica(m) no(n) obtenta. Quare pro parte
u(est)ra fuit nobis humiliter supplicatum ut prouidere uobis super hoc de oportuna dispensationis gratia dignaremur. Nos itaq(ue) qui cunctor(um) fideliu(m) et
presertim Principum et potentum uotis libenter annuimus et ip(s)or(um) mutuam caritatem sinceris desiderijs affectamus ex premissis et alijs certis
causis nobis expositis necno(n) consideratione Jmperatoris prefati nobis super hoc humiliter supplicantis hui(us)modi supplicationibus inclinati uobiscu(m) ut im
pedimento quod ex consanguinitate huiusmodi prouenit nequaqua(m) obstante matrimonium inuicem contrahere et in eo postqua(m) contractum fuerit
remanere licite ualeatis auctoritate aplica(m) tenore presentium de speciali gratia dispensamus prolem ex huiusmodi suscipiendam matrimonio legi
timam nuntiantes. Nulli ergo omnino hominum liceat hanc paginam n(ost)re dispensationis et nuntiationis infringere uel ei ausu temerario
contraire. Siquis autem hoc attemptare presumpserit indignationem omnipotentis dei et beator(um) Petri et Pauli ap(osto)lor(um) eius se nouerit incursurum
Dat(um) Auinion(e) viij k(a)l(endas) Marcij Pontificatus n(ost)ri Anno Quarto.