Wir Gerlach von gotis gnaden des heiligen stules czu meintze Erczbischoff des heiligen Romischen Riches in dutschen
landen Erczkanczeler Bekennen offenlich mit disem brieve daz wir den edeln Czyman herrn czu Colditz vnd Czyman
vnsn gnedigen herrn des keysers vnd sine lehens erben czu vnsn vnd vnsrs stiftis dinstmanne genummen vnd enphangen
han vnd haben yme darumb czu rechtem dinstlehen gegeben vnd leihen of vnsr vnd vnsrs stiftis burwarke czu
Erfurte alle Jar off sente martins tag in dem wintter gelegen hundert gulden geldis von slachtz gut von golde
vnd silbr von gewichte als daselbis genge vnd gebe ist von vnsn gulden Rente vnd geuellen die vns daselbis
vallende sint die ym vnsr phruisir dr itzunt da ist odr czu czyten werdin vnd antwurten sal ane allen vir
czug vnd hyndernisse wen auch wir vnsr Nachkomen odr stift wellen so mugen wir die vorgen(anten) hundert gulden
geldis abelosen von dem vorgen(anten) Czyman von Colditz odr von sinen lehens erbn vmb tusent gude swar gulden des
vorgen(anten) pfenninges des sal den dr vorgen(ante) Czyme vnd sine lehens erbn die vorgen(anten) hundert gulden geldis belassen
off dr vorgen(anten) stat Erfurte allerneste gelegen vnd vns die vfgeben vnd vntwurten von vns vnsn Nachkomen
das selbe dinstlehen enphahen vnd haben vnd vns dienen mit rat vnd truwe als andr vnsr vnd vnsrs stiftis
edele dinstman phlichtig sin czu thune Des czu vrkunde ist vnsr Ingesigel an disen brieff gehangen dr gebn
ist czu miltenburg off sente Johannis tage als er entholet wart Nach gotis geburte drutzehnhundrt Jare
darnach in dem Sehs vnd sechtzigisten Jare