Wir Engelbrecht von gotes genaden Erczbischof zu Collen des heiligen Römischen Riches in Italien Erczkanczler bekennen und tun kunt offenlich mit disem brieve allen den die yn sehent oder horent lesen Wann der aller
durchleuchtigste furste und herre her Karl Römischer keyser zu allen zeiten merer des Riches und kunig zu Behem unser lieber genediger herre umb zu Römischen Riches nutz beste wirde und ere dem hochgebornen fursten
hern Wenczlawen kunige zu Behem marggrafen zu Brandemburg und zu Lusitz synem sune synen erben und nachkomen kunigen zu Behem und der cronen desselben kunigriches eweclich zu rechtem fursten
lehen geben und verlihen hat die dorffer Heytingsfelt und Bernheym mit allem dem das darzu gehoret als in unsers herren des keysers briefen volkumclicher begriffen ist die hernach geschriben steen in sulchen worten
Wir Karl von gotes gnaden Römischer keyser zu allen zeiten merer des Riches und kunig zu Behem bekennen und tun kunt offenlich mit disem briefe allen den die yn sehent oder horent lesen Wann der hochgeborn Wenczlaw kunig zu Behem
marggraff zu Brandemburg und zu Lusitz unser lieber son und furste syne drey eygene gutere mit namen syne burg zu Heytingsfelt und was darzu gehoret und syne burg und stat zu Briezendorff mit allen synen zu
gehorungen und die vesten Werhnheym auch mit allem dem das darzu gehoret die er umb syne eygene pfenninge gekauft hat zu dem kunigriche und der cronen des kunigrichs zu Behem von uns als eyme Römischen keyser
und von dem heiligen Römischen Riches zu lehen emphangen hat also das er und alle syne nachkomen die eweclich kunige zu Behem werden die vorgenanten lehen alleczeyt von uns und unsern nachkomen an dem Römischen Römischen
keysern und kunigen und von dem heiligen Römischen Riches eweclich zu lehen haben halten und emphahen sullen davon haben wir mit wolbedachtem mute mit rechter wizzen und mit rate kurfursten andern fursten grafen freyen
herren und andern unsern und des Riches getrewen wider zu eyner erstatunge der vorgenanten sachen dem egenanten Wenczlawen kunige zu Behem und allen syne nachkomen die kunige zu Behem eweclich werden die dorffer Heytingsfelt und Bern
heym mit zehen fuder weingeldes die die lewte zu Heytingsfelt geben Sechs pfinden hellergelts die die lewte zu Heytingsfelt geben Sechs pfinden hellergelts die der apt von sent Burgkarten zu Wirczburg gibet vier pfinden hellergelts
die der apt von Eelle gibet vier pfinden hellergelts die die frawen des closters von Eelle bey Wirczburg geleczen geben siben pfinden newen schillingen und vier hellern die die marktleute zu Heytingsfelt geben acht pfinden haller
geltes der da bey der da genant ist von dem gartengarten zu Heytingsfelt Sechs maltern und dreyn achteyln korns oder dabey die jerlich zu Heytingsfelt gevalln von den velt eckern funf maltern kornzgelts die darselbst gevallen
von weygarten eynem pfinde pfeffers und mit dem dritheyl des weynes der da kumpt ierlich von funfzig morgen weingarten zu Heytingsfelt gelegen die da heizen die kunigsleuben das alles zu Heytingsfelt gehoret und auch
mit funf und zwenczigen maltern weyces ierliches zinses vogtey und gerichte die zu Bernheym gehoren und mit alln andern zugehorungen wy man die mit sunderlichen worten mag benennen die der egenant kunig zu Behem umb
funf tausent gulden gut von golde und swer von gewichte von dem stifte zu Wirczburg dem sie lange czeit zu pfande gestanden han mit synem eygen gelde hat gelost zu rechtem lehen verlihen han und verleyhen yn die
mit crafft ditz briefes umb die egenanten sache und auch umb das eyn iglich kunig zu Behem und die synen von fernen wegen herberge gehabn mugen von Behem zu frankenfurt uff dem meyne zu reyten wenne es sich
geburet eynen Römischen kunig zu kiesen und auch zu ryten dahin zu andern kurfursten fursten und herren zu kuniglichen und keyserlichen hofen parlamenten und gesprechen zuhaben und des Riches sachen zu ter
dingen Auch sal der egenant kunig Wenczlaw und alle syne nachkomen kunige zu Behem die vogtey uber das closter zu Heytingsfelt eweclich habn also das sie die vorgenanten closter syne lewte und gutere und was darzu
gehoret als ire rechten vogte schirmen vorteydingen und vorantworten sulln und mugen in allen werntlichen sachen Auch habn wir dem egenanten Wenczlawen und synen vorgenanten nachkomen mit wolbedachtem mute
mit rechter wizzen von keyserlicher mahte genedclich erlaubet das sie zu Heytingsfelt und Bernheym mit graben mit mawren turmen pforten ecken und anders wy sie wollen vesten und stete machen mugen ewe
clich wenn sie wollen und sulln in denselben steten stock halgerichte und alle ander gerichte hohe und nydere habn und gebruchn Auch mugen die egenanten kunige zu Behem und ire nachkomen bey vorgenanten steten wochen
merkte gebn wie sie nutzlich und bequemlich dunket und sulln auch die vorgenanten stete habn alle freyheyte recht und genad die da hat und gewonnet die stat zu Briezendorff und die burger daselbst Auch mu
gen die vorgenanten kunige zu Behem und ire nachkomen auzwendig iren egenanten steten Heytingsfelt und Bernheym und auch in den begriffen und zugehorungen derselbn stete galgen habn und totere tun seczen umb gerich
te ze tun von schedlichn lewte Gezeuge diser dinge seyn der erwirdige Gerlach Erczbischoff zu Mecz des heiligen Riches in dewtschn landen Erczkanczler die hochgebornen Ruprecht der elter pfallenczgraff bey Reyne
des heiligen Riches obrister truczsesse und herczog in Beyern und Rudolf herczog zu Sachsen des heiligen Riches Erczmarschalk kurfursten des Riches die erwirdigen Albrecht zu Wirczburg Lamprecht zu Spyr Rudolf zu
Verden Peter zu Cur und Albrecht zu Halberstat die bischove die edeln friderich burggraff zu Nurenberg Adolf Johan Ruprecht und Gerlach von Nassaw Walram zu Sponheym Wilhelm zu Kaczenelbogen Heinrich
zu Veldencz Ulrich und Johan lantgraven zum leuchtenberge Eberhart und Rudolf zu Wertheym grafen friderich herczog zu Teck Gerlach zu Hoenloch Andres zu Brawnweck und Ulrich der Junger zu Hanaw
herren und vil ander fursten grafen und des Riches mane mit urkund ditz briefes versigelt mit unserm keyserlichen anhangendem Ingesigel Gebn zu Wirczburg nach cristes geburte dreiczehenhundert jar
darnach in dem siben und sechtzigsten jare an dem Newen Jars tage unser Riches in dem eyn und zwenczigsten und des keysertums in dem zwelften jare Und wann die egenanten sache nutzlich und dem heiligen Römischen
mischen Riches nutze erlich und bequemlich seyn als in den vorgeschriben unsers herren des keysers briefen geschriben steet davon habn wir mit wolbedachtem mute mit rechter wizzen und mit rate unser
freunde und getrewen als eyn Erczbischoff zu Collen des heiligen Römischen Riches in Italien Erczkanczler und als eyn kurfurste des Riches unsern kur und gebengnuzze getan zu allen den vor
geschriben sachen und tun yn guten willen wort rat und gebengnuzze zu derselbn sache mit craft ditz briefes und aller diser sache zu urkund und ewige warheit han wir unser Ingesigel an diesen brieff
gehangen der gegeben ist zu