Nos pesco et Jesco fratres indivisi de Rabnstein residentes in Luschchotz constare volumus universis
presentium noticiam habituris, nos sana et matura deliberacione prehabita de amicorum nostrorum consilio hereditatem
nostram in Kagig videlicet decem laneos agrorum minus uno quartali, inclusis pascuis et exstirpatis, quod
per inundacionem aquarum in laam redigitur, iure emphyteotico seu theutunico, notabili de causis, villa
nis eorundem laneorum possessoribus, conducentibus et recipientibus, pro se, heredibus et successoribus suis, ad tenendum,
habendum, possidendum et eosdem laneos premissis iure possidendum, sub infrascripti census onere perpetuo pacifice
et quiete. Ita videlicet quod iidem villani et eorum successores de quolibet predictorum laneorum dabunt nobis et nostris heredibus
nomine census annui, tam censu pecuniali quam annonali et singulis iusticiis ac minutis ad invicem compu
tatis, duas marcas grossorum denariorum Pragensium, sexaginta quatuor grossos pro qualibet computando, unam earum
in festo beati Georgii et alteram in festo beati Galli, anno quolibet perpetuis temporibus et persolvent, ac per hoc ab omni
servitute que vulgariter robota dicitur, sunt et esse debent liberi perpetuo et exempti. Insuper eis indulgemus beni
vole et statuimus, quod quilibet predictorum laneorum possessor, qui liberos amiserit, poterit licite in extremis suis, tunc
autem tempore sue sanitatis, hereditatem et bona sua quelibet alia, mobilia et immobilia, legare, disponere aut donare ali
cui cuicumque. Et ubi aliquis eorum intestatus decesserit, nullo herede post se relicto, eiusdem bona omnia in hereditatibus
et aliis rebus quibuslibet, tam mobilibus quam immobilibus, post se relicta, ad viciniorem suum consanguineum iure quolibet devo
luantur. Preterea supradicti decem lanei minus uno quartali cum mensurati, nullis deinceps imperpetuum
temporibus in preiudicium eorum hominum denuo mensurari debebunt, sed in suis metis et limitibus et terminis, quibus
iam limitati et ab invicem distincti noscuntur, debebunt perpetuo permanere. Eo nichilominus expresso, quod nos et
quilibet eorum bonorum duo iudicia dictis annis quolibet semel ante carnisprivium et semel post beati Michahelis festum
in ipsis bonis iudicia presidere debeamus et homines eorundem bonorum suis duo iudicibus de expensis modo debito
providebunt, in quorum femella in successione seu assecucione ipsorum bonorum eodem iure quo masculus perpetuo po
tiantur et statuimus quod et concedimus memoratis hominibus, ut in singulis eorum negociis neque causis iure civitatis
Saczensis uti debeant perpetuo et gaudere. Eciam recognoscimus et fatemur cartam que vulgariter anleyt seu napo
datie dicitur, de locacione eorum bonorum eciam omnibus pro dictis hominibus esse in parte premissis totaliter absolutam.
Testes huius locacionis sunt: Sannus miles dictus Pesto, Macho, Ergo, Boemius de Mutz, iudex civitatis
Saczensis, viri prudentes domini Leo Rotenker, Tygo carnifex, Joh(ann)es sutor, Hanus spagman, Lypoldus
artifex, Pavo pistor, et Pavo sutor, iurati eiusdem civitatis, et quam plures alii fidedigni. In cuius locacionis
et conduccionis testimonium et robur perpetuo valiturum, nostra et eiusdem civitatis Saczensis ac Lypoldi de Morawess
domini nostri et civis Lounensis sigilla ad presens instrumentum sunt appensa. Datum die beate Lucie virginis, anno
Domini millesimo trecentesimo sexagesimo septimo.