Clemens ep(iscopu)s seruus seruor(um) dei Venerabilibus fratribus Vniuersis Suffraganeis eccl(esi)e Pragen(sis) Sal(u)t(em) et ap(ostol)icam ben(edictionem)
In supreme dignitatis specula ex diuina dispositione licet inmeriti constituti de vniuersis orbis eccl(esi)is quar(um) cura nobis imminet generalis iuxta
pastoralis officij debitum quantum nobis ex alto permittitur solicite cogitamus ut per n(ost)re prouidentie studium pastores eis preficiantur
ydonei ac Rectores prouidi deputentur sub quor(um) regimine huiusmodi eccl(esi)e spiritualibus proficiant incrementis et temporalibus comodis
gratulentur Nuper siquidem suadentibus manifestis et rationabilibus causis eccl(i)am Ciuitatem et dioc(esim) Pragen(sem) que tunc de Maguntin(a)
prouincia existebant et subiacebant iure Metropolitico Archiep(iscop)o Maguntin(o) qui est pro tempore ac eccl(esi)e Maguntin(e) Venerabili fratre
n(ost)ro Arnesto Ep(iscop)o olim Pragen(si) in Archiep(iscopu)m Pragen(sem) Electo regimini eiusdem Pragen(sis) eccl(esi)e presidente de fratrum n(ost)ror(um) consilio et
ap(ostol)ice potestatis plenitudine auctoritate ap(ostol)ica ab omni iurisdictione potestate ac subiectione dicti Archiep(iscop)i et dilector(um) filior(um) Capituli et eccl(esi)e
Maguntin(e) eximentes penitus et totaliter liberantes ac eam soli Roman(e) eccl(esi)e decetero inmediate subiacere perpetuo decernentes ipsam Pragen(sem) eccl(i)am
in Metropolitan(am) ereximus ipsamq(ue) honoribus et insignijs sedis Metropolitice decorauimus auctoritate predicta nichilominus statuentes q(uo)d ip(s)a
Pragen(sis) eccl(i)a pro Metropolitan(a) imperpetuum habeatur et eius presul Archiep(iscopu)s etiam censeatur prout in n(ost)ris litteris inde confectis ple
nius et seriosius continetur Attendentes igitur q(uo)d idem Arnestus Electus regimen eiusdem eccl(esi)e Pragen(sis) dum Ep(iscop)alis existeret gessit
hactenus fideliter et prudenter sumpta ex preteritis fiducia de futuris uerisimiliter credimus q(uo)d regimen ip(s)ius eo imposter(um) geret attentius
q(uo)d se maiori honore et dignitate prospiciet decoratum eundem Arnestum Electum ip(s)i eccl(esi)e Pragen(si) de dictor(um) fratrum consilio auctoritate
predicta in Archiep(iscopu)m preficimus et pastorem curam et administrationem ipsius sibi in spiritualibus et temporalibus plenarie committendo in illo
qui dat gratias et largitur premia confidentes q(uo)d eadem eccl(i)a Pragen(sis) sub suo felici regimine gracia sibi suffragante diuina utilius
dirigetur et uotiua continue suscipiet incrementa Quocirca uniuersitati u(est)re per ap(ostol)ica scripta mandamus quatinus eidem Electo tanqua(m) membra
capiti obsequentes exhibeatis ei obedienciam et reuerentiam debitam et deuotam ita q(uo)d mutuo inter uos et ip(su)m gracia gratos sortiatur effectus
et nos deuotionem u(est)ram proinde ualeamus dignis in domino laudibus comendare Dat(um) Auinion(e) ij k(a)l(endas) Maij
Pontificatus n(ost)ri Anno Secundo