In nomine sancte et indiuidue trinitatis feliciter Amen. Karolus quartus diuina fauente clemencia Romanor(um) Imp(er)ator semp(er) augustus
et Boemie Rex. Ad p(er)petuam rei memoriam. Etsi cesaree p(ro)uide generosa sublimitas vniuersorum saluti delectatur intendere et laboriosis occupari studijs, vt in pacis amenitate
fidelis populus conquiescat. Ad illorum tamen tranquillitatem et gratie vberioris compendia amplioris largitatis munere maiori quodam affectu dirigitur, qui seculi vanitate contempta
diuinis vacant obsequijs et quasi illecebrosa dimissa, deuota supplicacione non desinunt pro seipsius salutis augmento omnipotentis dei misericordiam iugiter implorare. Sane cum ante
tempora multa ex infusione celestis gratie pro remedio animar(um) clare memorie Illustrium p(ro)genitor(um) nostror(um) quondam Regum et Reginarum Boem(ie) et pro n(ost)ra salute Monasterium sancti Ieronimi
in Nouaciuitate pragen(si) fundauerim(us) et in ligua slauonica sicut ap(osto)lice sedis p(er)misit auctoritas laudes diuine pariter et nocturne creatori domino decantentur. Intelligentes et p(ro)uida racione
intuentes q(uod) Abbas et fratres necnon Conuentus d(i)c(t)i mon(asterii) ad gl(ori)am diuinar(um) laudum non valeant iuxta desideratam deuocionem intendere, nisi temp(or)alib(us) muniant(ur) presidiis sine quib(us) sp(irit)ua
lia vix subsistunt. Animo deliberato non per errorem aut improuide sed maturo p(ri)ncipum, Baronum et procerum Regni n(ost)ri Boem(ie) accedente consilio, ac de certa sciencia suprad(ic)tis Abba
ti fratrib(us) necnon Conuentui mon(asterii) sancti Ieronimi suprad(ic)ti et successoribus eorum, necnon eidem mon(asteri)o imp(er)atorum Auctoritate Regia Boem(ie) damus, conferimus,
incorporamus, inuisceramus et inseparabiliter coniung(imus) bona, possessiones et predia que inferius annotant(ur). Videlicet Octo macella carnium in maiori Ciuitate pragen(si)
Curiam vnam in Balem et duas sexagenas Reddituum ibidem, duas Curias cum duab(us) Araturis et vigintiquinq(ue) m(ar)cas reddituum in villa Gencz, Curiam Dobrawicz
cum Aratura et Curiam Detrchass cum vinea et duabus piscinis, cum omnib(us) predictarum possessionum, prediorum et Reddituum iustis p(er)tinencijs ad habendum, te
nendum ac possidendum et in vsus vales ac honestos d(i)c(t)i mon(asterii) fratrum et Conuent(us) p(er)petuis temp(or)ib(us) applicandu(m). Nulli ergo hominu(m) liceat hanc n(ost)re donacionis
collacionis, incorporacionis, inuisceracionis et vnicionis paginam infringere seu ei quouis ausu temerario contraire sub pena Auri quaginta marcharum puri auri
quas post grauis indignacionis n(ost)re aculeos eum qui contrafecerit incurrisse decernim(us) et quociens contrafactum fuerit irremissibiliter exigendas. Quarum
medietatem Regalis Boem(ie) fisci Presidium, vero medietatem iniuriam passorum vsibus decernimus applicandam. Signum serenissimi p(ri)n
cipis et domini, domini Karoli quarti Romanorum Imp(er)atoris Inuictissimi et gloriosissimi Boem(ie) Regis. Testes huius rei sunt
Illustris Rudolphus Elector Dux Saxonie Sacri Imperij Archimarescallus, necnon venerabiles Archiep(iscopu)s pragen(sis) et Arnestus Patissou(iensis)
Iohannes Argien(ensis), Iohannes Olomucen(sis) et Theodricus mynden(sis) Ep(iscop)i, ac Illustres Rudolphus Iunior, Erychus et Nicolaus munsterbergen(ses), Bolco
Falkenbergen(sis), Conradus olsnicen(sis), Bolco opulien(sis), Kazimirus Theschinen(sis) et Iohannes stetinen(sis) duces. Necnon spectabiles Burchardus magdeburgen(sis), hinricus de Swartz
burg, Vlricus de helfenstein et Albertus de Annhalt Comites et alij q(uam)plures. P(re)senciu(m) sub Imp(er)ialis n(ost)re maiestatis Sigillo testimonio l(itte)rarum. Datum prage Anno domini
Millesimo Trecentesimo Quinquagesimoquinto, Indictione octaua, xvj. k(a)l(e)nd(as) Octobris, Regnorum nostrorum Anno decimo, Imp(er)ij vero primo.

Ad mandatum d(omi)ni Imp(er)atoris Ioh(annes) Luth(omislensis) ep(iscopu)s
Cancell(arius) Theodoric(us) Erfforden(sis)