In nomine sancte et indiuidue trinitatis amen. Nos Ottakarus dei gracia Boem(orum) Rex. Dux Aust(rie) et
Stir(ie) ac Marchio Morau(ie) omnibus imperpetuum. Licet ad liberalitatis beneficium ac contuicionis presidium nostris subditis ex regali mu
nificencia generalit(er) teneamur. tamen ad illarum p(er)sonarum p(ro)mocionem vigilanci(us) tenemur adtend(er)e et earum quieti et indempnitatibus dili
genci(us) p(ro)uide(re) que abiectis illecebris et transitoriis deliciis hui(us) mundi religionis habitum assumentes in deuocione et castimonia d(omi)no deserui
re humilit(er) elegerunt. vt quanto magis oracionibus ac aliis contemplacionum op(er)ibus int(en)tius fuerint occupate. tanto ab ext(er)norum incursib(us) seu
molestiis quibuscumq(ue) forcius et ualidius muniant(ur). Ea p(ro)pt(er) ad noticiam omnium cupimus p(er)uenire quod nos in(tr)ea sanctimonialium mo
nast(er)ij vallis S(an)c(t)e Marie sit(i) iuxta Brod in metis Boem(ie) et Morau(ie) Cysterciensis ordinis. que se ob amorem summi patris in eadem
nouella plantacione et(er)norum intuitu p(re)miorum salubrit(er) receperunt. int(er)ioribus oculis ac sollicita cordis meditacione p(er)spicaci(us) intuen
tes. idem Monast(er)ium cum omnibus p(er)sonis que deo militant in eodem in nostram p(ro)teccionem et gr(aci)am recepimus specialem. ius aduo
cacie et ipsi(us) Monast(er)ij conseruacionem D(omi)ne Chunegundi k(ar)me vxori nostr(e) illust(ri) Boemor(um) Regine specialit(er) committendo. p(ro)ut ea uide
licet ut ad defensionum p(at)rocinia eidem Monast(er)io strictius et astricti(us) teneatur. Preterea villam in Juhcow et siluam ibidem cum sing(u)lis attinen
ciis quam Abbatissa et conuent(us) p(re)dicti Monast(er)ij in comutacione p(ro) bonis aliis sitis in Pnow a fideli n(ost)ro Zmylone d(e) Luchtenburch receperunt
iuxta quod in ipsius p(ri)uilegiis sup(er) eo confectis exp(re)ssi(us) continet(ur). Necnon medietatem ville in partib(us) Aust(rie) scilicet Wezzelensdorph. ac
eciam bona alia seu possessiones Monast(er)ii memorati siue ea uel eas iure donacionis comutacionis seu empcionis v(e)l qualit(er)cumq(ue) possideat v(e)l in
posterum possidebit. cum omnib(us) vtilitatib(us) que p(re)fato Monast(er)io tam in cultis qua(m) in incultis. agris. noualib(us). pratis. nemorib(us). aquar(um) piscacioni
bus seu puentib(us) aliis quibuscumq(ue) poterunt p(ro)uenire eidem Monast(er)io cum omnib(us) lib(er)tatib(us) et condicionib(us) earundem bonor(um) seu possessionu(m) auctoritate
regia confirmam(us). Sane eciam adicim(us) q(uo)d ad donacionem bonor(um) in antiquo Ruz cum attinenciis vniu(er)sis qua(m) Elyzabeth et Welena sorores filie
Ludmyle bone memorie quondam alumpne coniugis n(ost)re p(re)fate que nu(n)c in eadem plantacione religionis habitum assumpserunt. fecerunt
Monast(er)io sepefato. nostr(u)m consensum b(e)n(e)placitu(m) plenarie adhibem(us). uolentes q(uo)d ip(su)m Monast(er)ium in p(er)cepcionem gracie amplioris huiusmodi bona
sub eisdem lib(er)tatibus ac condicionibus possideat. quibus ea p(re)dicta Ludmyla et sui antecessores in eisdem suis temporibus quiete et paci
fice possederunt. nichilomin(us) eciam donaciones alias. gr(aci)as et ratas habere cupientes quecumq(ue) p(er) nos v(e)l p(er) alios facte v(e)l facien
de fuerint Monast(er)io seped(ic)to. ita tamen quod in hys et in p(re)missis alienis iuribus nullum p(ro)rsus p(re)iudicium generet(ur). In cuius rei
testimonium et robur p(er)petue firmitatis p(re)sens instrumentum p(re)fato Monast(er)io dedimus nostror(um) et p(re)fate vxoris nostr(e)
Sigillor(um) appensionibus roboratum. Testibus qui p(re)sentes fuerant infra scriptis. q(ui) su(n)t hii. Thobyas p(re)positus Melnycensis. Johanes
p(re)p(osi)t(u)s Sazzensis. Kuno custos eccl(esi)e Wissegraden(sis). Gewinus. Xp(ist)ianus. Hugo. Phylipp(us). sacerdotes capellani nost(ri). It(em) Andreas regni Boem(ie) camar(ius).
Sylueus purgraui(us) Pragen(sis). Jarosl(aus) purgraui(us) Egre(n)sis. Dyesizla(us) iudex. Zmylo d(e) Luchtenburch. Bogerus d(e) Zwynz. Purkardus Mar
schalcus Boem(ie). Dyuiss(us) dapif(er). Gallus pinc(er)na. Wylhelmus purgraui(us) d(e) Phrimb(er)ch. Vlric(us) d(e) Noua domo subcamar(ius) Boem(ie). Vlric(us) d(e) Purnholz.
Mylotha frat(er) B(e)n(e)ssii. Beness(us) et Jarosla(us) frat(er) suus. filij Zdezlay d(e) St(er)nberch. Sdyzla(us) submarschalc(us). Chunrad(us) magist(er) coque. Onso subpinc(er)na. officia
les et milites nost(ri). It(em) Dyzadruh camar(ius). Crazgou(us) subcamar(ius). Domazla(us) pinc(er)na. Joh(ann)es subpinc(er)na. Chazla(us) dapif(er). Otto magist(er) coquine.
Wlazibori(us) Marschalc(us). Bohucha submarschalc(us). officiales vxoris nostr(e). et alij quam plures. Actu(m) in Podebrad. Anno d(omi)nice incarnacionis
.M. CC. lx. nono. Sexto kal(endas) Marcij. datu(m) ibidem. Anno et die p(re)dictis. p(er) manus Magist(ri) Petri p(re)p(osi)ti Wissegraden(sis) eccl(esi)e p(re)positi.
cancellarii regni nost(ri). Magist(ri) Vlrici p(ro)thonotarij Aust(rie) et Stir(ie). et Magist(ri) Gotfridi p(ro)thonotarij vxoris nostr(e).
Anno coronacionis nostr(e). et ipsius vxoris nostr(e) p(re)fate octauo. Indiccione duodecima.