In dei nomine Amen. Anno eiusdem Incarnacionis Millesimo Trecentesimo vicesimo tercio festo beati gregorij p(a)p(e) in quo Capitulum generale in Ecclesia Wyssegradensi consueuit esse fieri hora eadem Religiosus vir frater Theodricus magister Curie
Monasterij Aule regie nomine Abbatis et Conuentus predicti monasterij exhibuit honorabili viro d(omi)no Petro Decano Wyssegradensis Ecclesie in presenciis mei notarij infrascripti et testium infrascriptorum litteras sedis apostolice cum vera bulla
papali filo Canapis dependenti non viciatas non Cancellatas non abrasas nec in aliqua sui parte corruptas omni suspicione carentes in hec verba. Iohannes ep(iscopu)s seruus seruorum dei venerabili fratri ep(iscop)o patauiensi
et dilectis filijs preposito et Wissegradensi pragen(sis) dyoc(esis) Ecclesiarum decanis salutem et apostolicam benediccionem. Ad statum ecclesiarum licet in meritis disponente d(omi)no presidentes circa ea que Ecclesiarum et monasteriorum omnium tam
secularium quam Regularium solentia redduntur indempnitatibus solliciti ne in debitum pastoralis officij eorum occurrentibus dispendijs et pressuris diuina cooperante clemencia salubriter intendamus. Sane dilectorum filiorum Abbatis
et Conuentus Monasterij Aule Regie Cistercien(sis) ordinis pragen(sis) dyoc(esis) conquestione percepimus quod non nulli venerabiles fratres n(ost)ri Archiep(iscop)i Ep(iscop)i Abbates et alij clerici cetereq(ue) persone tam Religiose quam
seculares necnon Comites Barones Nobiles Milites vniuersitates et alij seculares laici Ciuitatis et dyoc(esis) pragen(sis) ac quarum ciuitatum et In quibus dictu(m) monasterium et alia loca et membra eidem monasterio inmediate subiec(ta)
vel consistunt dinoscuntur occuparunt et occupari fecerunt possessiones preiudicia ecclesias Capellas grangias obediencias Casalia villas domos terras possessiones vineas prata pascua Nemora maneria
molendina Census redditus et prouentus pensiones Iura iurisdicciones et non nulla alia bona mobilia et inmobilia ad dictum monasterium et alia prelibata eius membra spectancia seu eadem detinentes prestare auxilium con
silium vel fauorem. Nonnulli eciam Ciuitatum dyoc(esis) et parcium predictarum qui nomine deum Inualidum reuereri non formidant dictis Abbati et conuentui In eorum possessionibus prioratibus capellis grangijs obediencijs Casalibus
Casalibus villis domibus terris possessionibus vineis pratis pascuis nemoribus Manerijs molendinis Censibus redditibus et prouentibus pensionibus Iuribus iurisdiccionibus ac bonis prefatis et rebus alijs ad mo
nasterium ipsum et membra ipsius spectantibus multiplices Iniurias inferunt et iacturas. Quare dicti abbas et Conuentus nobis humiliter supplicarunt ut ad ualde difficilia reddantur eisdem pro singulis querele ad apostolicam sedem
siue recursum prouidere eis super hoc paterna diligencia curaremus. Nos igitur aduersus occupatores detentores presumptores molestatores et Iniuriatores huiusmodi illo volentes eis remedio subuenire per quod eorum compescat(ur)
temeritas et alijs additus committendi similia precludatur. Discrecioni v(est)re per apostolica scripta mandamus quatinus uos vel duo aut vnus v(est)rum per uos vel alium seu alios eciam si sint extra loca in quibus depu
tati estis conseruatores et Iudices eisdem abbati et conuentui assistentes defensionis presidio assistentes non permittatis eos super hijs et quibuslibet alijs bonis et iuribus ad ipsos seu dictum monasterium et membra ipsius
spectantibus ab eisdem et quibuslibet alijs indebite molestari vel eis grauamina seu dampna aut Iniurias irrogari facturi ipsis abbati et conuentui ab altero vel eorum aliquo seu procuratore aut procuratoribus eorundem siue
requisiti de predictis et alijs personis quibuslibet super restitucione spoliatorum ipsarum ecclesiarum capellarum grangiarum obedienciarum Casalium casalium villarum domorum terrarum possessionum vinearum pratorum pascuorum nemorum molendinorum
censuum pensionum iurium Iurisdiccionum et aliorum bonorum predictorum reddituumq(ue) et prouentuum et aliorum quorumcumq(ue) bonorum et rerum necnon et de quibuslibet Iniurijs molestijs atq(ue) dampnis presentibus et futuris in illis videlicet
que iudicialem requirunt indaginem de plano sine strepitu et figura Iudicij. in alijs uero prout qualitas ipsorum exegit iusticie complementum. occupatores seu detentores molestatores presumptores et Iniuriatores huiusmodi
de illis contradictores quoslibet et rebelles cuiuscumq(ue) status condicionis ordinis eciam si archiepiscopalis vel episcopalis dignitatis extiterint. quocienscumq(ue) et quandocumq(ue) expedierit. auctoritate n(ost)ra appellacione postposita co
pescendo. Inuocato ad hoc si opus fuerit auxilio brachij secularis. Non obstantibus felicis recordacionis bonifacij p(a)p(e). viij. predecessoris n(ost)ri in quibus cauetur. ne aliquis extra suam Ciuitatem et dyoc(esim). nisi in
certis exceptis casibus et in illis vltra vnam dietam a fine sue dyoc(esis). ad iudicium euocetur. seu ne iudices et conseruatores a sede deputati predicta extra Ciuitates et dyoc(eses). in quibus deputati fuerint contra quoscumq(ue)
procedere siue alij vel alijs vices suas committere aut aliquos vltra vnam dietam a fine dyoc(esis) eorundem trahere presumant siue quod de alijs quam de manifestis Iniurijs et violencijs et alijs que Iudicialem indaginem
exigunt penis in eos si secus egerint et in id procurrentes adiectis conseruatores se nullatenus intromittant et tam de duabus dietis in concilio g(e)n(er)ali edito in modo vltra vnam vel quatuor dietas aliquis extra suam
ciuitatem et dyoc(esim). auctoritate l(itte)rarum apostolicarum non trahatur quam alijs quibuscumq(ue) constitucionibus a predecessoribus n(ost)ris Romanis pontificibus tam de iudicibus delegatis et conseruatoribus quam personis vltra certum numerum
ad iudicium non euocandis aut alijs editis que v(est)re possent iurisdiccioni aut potestati eiusq(ue) libero excercicio quomodolibet obuiare seu si aliquibus communiter vel diuisim a predicta sit sede indultum quod interdici
suspendi vel excommunicari seu extra vel vltra certa loca ad iudicium euocari non possint. per l(itte)ras apostolicas non facientes plenam et expressam ac de uerbo ad uerbum de indulto huiusmodi et eorum personis locis ordinibus et
nominibus proprijs mencionem et qualibet alia dicte sedis indulgencia g(e)n(er)ali vel sp(eci)ali cuiuscumq(ue) tenoris existat per quam presentibus non expressam uel totaliter non insertam v(est)re iurisdiccionis explicacio valeat quolibet
impediri et de qua cuiusq(ue) toto tenore de uerbo ad uerbum in n(ost)ris l(itte)ris habenda sit mencio sp(eci)alis. Ceterum volumus et apostolica auctoritate decernimus quod quilibet v(est)rum prosequi valeat articulum eciam per alium inchoatum.
quamuis idem inchoans nullo fuerit impedimento canonico impeditus. quodq(ue) a dato presencium sit vobis et vnicuique v(est)rum in premissis omnibus et eorum singulis ceptis et non ceptis presentibus et futuris perpetuata potestas et iurisdiccio
attributa ut eo vigore eaq(ue) firmitate possitis in premissis omnibus ceptis et non ceptis presentibus et futuris et pro predictis procedere ac si predicta omnia et singula coram uobis cepta fuissent et iurisdiccio v(est)ra et cuius
libet v(est)rum in predictis omnibus et singulis per citacionem vel modum alium perpetuata legittimum extitisset. statucionis predicte super conseruatoribus et alia qualibet in contrarium edita non obstante.
Datum Auinion(i). Idus Aprilis. Pontificatus n(ost)ri. Anno sexto.
Petentibus predictis fratre Theodrico procuratore nomine conuentus et abbatis monasterij supradicti instanti et eciam Canonicis Wyssegradensis ecclesie qui tunc g(e)n(er)ale Capitulum in ipsa ecclesia more solito faciebant ut dicte l(itte)re
apostolice per me notarium transscriberentur. Et quod Iurisdiccionem predicti conseruatoris siue publicum per me notarium Instrumentum sigilloq(ue) Capituli dicte Wyssegradensis ecclesie sigillarentur. Nos domini Prelati et eciam Ca
nonici ipsius Wyssegradensis ecclesie. predicti conseruatoris peticionibus tamquam racionabilibus consencientes predictas l(itte)ras transscribi et presenti sigillo ad maiorem roboris firmitatem mandauimus sigillari. Actum in loco supradicto et
Datum anno et die supradictis.
Et ego Iarozlaus p(re)sb(ite)r de lomnicz pragen(sis) dyoc(esis) publicus auctoritate Imperiali notarius predicte presentacioni l(itte)rarum rogatus Interfui et eas transscripsi. de uerbo ad uerbum publica forma redegi.
meoq(ue) signo solito consignaui.