Innocentius ep(iscopu)s seruus seruor(um) dei Venerabili fratri .. Ep(iscop)o Olomucen(si) Sal(u)t(em) et ap(osto)licam ben(edictionem) Ad audientiam n(ost)ram peruenit
q(uo)d tam dilecti filij .. Abbas et Conuentus Monasterij Auleregie ordinis Cistercien(sis) pragen(sis) dioc(esis) quam p(re)decessores eor(um) decimas
terras domos possessiones vineas prata pascua nemora molendina redditus iura iurisdictiones et quedam alia bona ipsius Monasterij
datis super hijs litteris confectis exinde publicis Instrumentis interpositis iuramentis factis renuntiationibus et penis adiectis in
grauem ipsius Monasterij lesionem nonnullis cl(er)icis et laicis aliquibus eor(um) ad uitam quibusdam uero ad non modicum tempus et
alijs perpetuo ad firmam uel sub censu Annuo concesserunt quor(um) aliqui super hijs litteras confirmationis in forma co(mmun)i a sede
ap(osto)lica impetrasse dicuntur. Quia uero n(ost)ra interest super hoc de oportuno remedio prouidere fraternitati tue per ap(osto)lica scripta scripta
mandamus quatinus ea que de bonis ipsius Monasterij per concessiones huiusmodi alienata inueneris illicite uel distracta non obstanti
bus litteris Instrumentis iuramentis renunciationibus penis et confirmationibus supradictis ad ius et proprietatem eiusdem Mona
sterij legitime reuocare procures. Contradictores per censuram ecclesiasticam appellatione postposita compescendo. Testes aute(m) qui fuerint no(m)i(n)ati
si se gratia odio uel timore subtraxerint censura simili appellatione cessante compellas ueritati testimonium perhibere. Dat(um) Auinion(e)
ij Id(us) Octobr(is) Pontificatus n(ost)ri Anno Tertio.