Wenceslaus dei gracia Romanorum Rex semper Augustus et Boemie Rex Notumfacimus tenore presencium vniuersis Quod constitutus in nostre Maiestatis
presencia Anthoniel de Brziesnye fidelis noster dilectus nobis humiliter supplicauit vt sibi subscriptam litteram seu priuilegium per diue memorie quondam dominum et Ge
nitorem nostrum dominum Karolum Romanorum Imperatorem et Boemie Regem et alios predecessores nostros Reges Boemie concessum et datum Regia Auctoritate Boemie ap
probare innouare ratificare et confirmare graciose dignaremur Cuius tenor sequitur in hec verba In nomine sancte et Indiuidue trinitatis feliciter amen Karolus
quartus diuina fauente clemencia Romanorum Imperator semper augustus et Boemie Rex Ad perpetuam rei memoriam Pro parte honeste matrone Clare Relicte quondam
hermanni de Rosental Ciuis thunensis deuote nostre dilecte ac heredum suorum duo Priuilegia recolende memorie Illustrium Wenceslai Aui et Iohannis Genitoris nostrorum carissimorum
quondam Boemie Regum predecessorum nostrorum tenoris infrascripti nostre exhibita sunt maiestati humiliterque supplicatum extitit vt eadem Priuilegia et omnia contenta in eisdem auctoritate
Boemie ratificare approbare innouare et confirmare graciose dignaremur Quorum quidem Priuilegiorum continencia per omnia sicunt in hec verba Nos Wenceslaus dei gracia Rex
Boemie Dux Cracouie et Sandomerie Marchioque Morauie Notum esse volumus vniuersis presentes litteras inspecturis Quod nos vendicionem trium laneorum liberorum in villa nostra dictam
kel circa Colemam quos laneos olim Othlinus noster Iudeus in Colonia iure Theutonico per eum emptos habuit et possedit Nosque dictos laneos ad peticionem dicti Othlini a so
lucione census liberos in perpetuum fecimus et exemptos sicuti per eundem Othlinum Alberto de Eubina filio quondam Dyetwini et heredibus eius ad supplicationem vtriusque partis ratam et
gratam habemus eique nostrum benigne prestamus assensum Volentes vt ijdem Albertus et heredes eius predictos laneos nullum pro eis nobis censum soluentes hereditario iure perpetuo te
neant et possideant libere et quiete In cuius rei testimonium presentes litteras fieri et Sigillo maiestatis nostre iussimus communiri Datum Brunne per manus venerabilis domini Basilien(sis) Episcopi nostri et
Regni Boemie Cancellarij Principis nostri dilecti Anno domini Millesimo Ducentesimo Nonagesimo nono viij idus Marcij Duodecime Indictionis Regni nostri Anno secundo Secundi Priuilegij
tenor talis est Iohannes dei gracia Boemie et Polonie Rex ac luczemburgensis Comes omnibus in perpetuum amen Decet Regie maiestatis fidelium et qui iuste postulant libenter exaudire Eapropter ad
vniuersorum noticiam volumus peruenire Quod constitutus in presencia nostra dilectus nobis Syboto dictus Scharner Ciuis thunensis nobis exhibuit quoddam Priuilegium felicis recordacionis domini Wenceslai
Illustris Boemie et Polonie Regis Soceri et predecessoris nostri carissimi petens a nobis humiliter et deuote vt idem Priuilegium ratificare et confirmare de benignitate solita dignaremur cuius priuilegij
tenor quo ad omnia puncta in se seruatus talis extitit Nos Wenceslaus dei gracia Rex Boemie Dux Cracouie et Sandomerie Marchioque Morauie Notum esse volumus vniuersis presentes litteras
inspecturis Quod nos vendicionem trium laneorum liberorum in villa nostra kel circa coleman quos laneos olim othlinus noster iudeus in Colonia iure theutonico per eum emptos habuit et posse
dit Nosque dictos laneos ad peticionem dicti othlini a solucione census liberos in perpetuum fecimus et exemptos sicuti per eundem othlinum Alberto de Eubina filio quondam Dyetwini et heredibus
eius ad supplicationem vtriusque partis ratam et gratam habemus eique nostrum benigne prestamus assensum Volentes vt ijdem Albertus et heredes eius predictos laneos nullum pro eis nobis censum soluentes
hereditario iure perpetuo teneant et possideant libere et quiete In cuius rei testimonium presentes litteras fieri et Sigillo maiestatis nostre iussimus communiri Datum Brunne per manus venerabilis domini Petri
Basilien(sis) Episcopi nostri et Regni Boemie Cancellarij Principis nostri dilecti Anno domini Millesimo Ducentesimo nonagesimo nono viij idus Marcij Duodecime Indictionis Regni nostri Anno
secundo Nos autem dicti Sybotonis benigne supplicationibus inclinati dictu(m) priuilegium ratificamus et ex certa sciencia confirmamus Ad habundanciorem quoque gracie nostre
cumulum propter grata que vtriusque Syboto nostre Celsitudini exhibuit seruicia predictos tres laneos in kel in predicto Priuilegio contentos a solucione steure collectarum
et generalis Colte que berna vulgariter nuncupatur duximus liberandos harum litterarum testimonio litteris Datum Prage iiij kalen(das) Septembris Anno domini Millesimo Trecentesimo
Decimonono Regnorum vero nostrorum Anno nono Nos itaque tam iustis et racionabilibus supplicationibus benignius annuentes Suprascripta Priuilegia et omnia singulaque contenta
in eisdem de verbo ad verbum in omnibus clausulis et sentencijs prout eorundem Priuilegiorum tenores puncti inseruntur et sunt interclusi et sicut prouide et racionabiliter processit
tunc ac Iuribus non derogato alienis aucte Regia Boemie et de certa nostra sciencia approbamus innouamus laudamus ratificamus auctorizamus et presentis scripti patrocinio confirmamus
Decernentes et volentes expresse supradicta Priuilegia et omnia contenta in eisdem perpetuis temporibus obtinere inuiolabilis roboris firmitatem Mandantes et districte precipientes Capitaneis
Camerarijs Iudicibus Burgrauiis iudicibus Scabinis ceterisque subditis et officialibus nostris per Boemiam constitutis qui nunc sunt vel pro tempore fuerint Citius antedictam
Relictam heredes et successores ipsius contra huiusmodi nostre confirmacionis seu innouacionis graciam nullatenus impediant molestent seu perturbent aut quibusuis iniuriarum temerariis
ausibus attemptare presumant Siquis autem secus facere aut attemptare presumpserit Indignacionis nostre furorem et penam grauissimam ad arbitrium proprium infligendam se nouerit irremissibiliter
manifeste Signum Serenissimi Principis et domini domini Karoli quarti Romanorum Imperatoris inuictissimi et gloriosissimi Boemie Regis Testes huius rei sunt venerabiles Arnestus
Archiepiscopus Pragen(sis) Iohannes Olomucen(sis) Iohannes Luthomisslen(sis) Aule Imperialis Cancellarius Episcopi Principes et deuoti nostri necnon Nobiles Iohannes de Wartemberg dictus de Meppel Sinko
Lepus de Hasemburg Iohannes de Welsartia Marescalcus Curie nostre et plures alij Regni nostri Boemie Nobiles et fideles Datum sub nostre Imperialis maiestatis Sigillo testium litterarum
Datum Prage Anno domini Millesimo Trecentesimo Quinquagesimo sexto Indictione nona viij Idus Septembris Regnorum nostrorum Anno Romani Vndecimo Boemie decimo Imperij
vero secundo Nos vero dicti anthonielis supplicationibus vtpotte racionabilibus atque iustis graciosius inclinati Anno deliberato sano fidelium nostrorum accedente consilio Regia aucte Boemie
et de certa nostra sciencia predictam litteram seu Priuilegium prout in suis tenoribus punctis et articulis expressius superius articulatur maiestatis nostre et presentis scripti patrocinio graciose confirmamus
Decernentes et volentes expresse vt prefatus anthoniel heredes et successores sui legitimi tres laneos in villa kel de quibus in dictis litteris seu Priuilegio fit mencio liberos penitus
et solutos a solucione steure collecte et signanter generalis Colte que vulgariter berna dicitur habere tenere et pacifice debeant et possidere Inhibentes igitur vniuersis et singulis Regni
nostri Boemie subditis et fidelibus presentibus et futuris firmiter et districte ne prefatum anthonielem heredes et successores suos legitimos in possessione predictorum trium laneorum non impediant nec quouismodo
impediri quomodolibet valeant inposterum quos eciam huiusmodi pregrate manuteneant et efficaciter conseruent prout indignacionem nostram grauissimam voluerint artius euitare Datum Regie nostre maiestatis
sub Sigillo testium litterarum Datum Prage Anno domini Millesimo Trecentesimo octuagesimo octauo die decima mensis Iunij Regnorum nostrorum Anno Boemie Vicesimoquinto Romanorum vero
Duodecimo