NOS ERNESTVS DIVINA MISERATIONE S(anctae)
R(omanae) E(cclesiae) PRESBYTER CARDINALIS AB HARRACH ARCHIEPISCOPVS PRAGENSIS PRIN
ceps, Legatus natus, Sac(rae) Cae(sareae) Regiae(que) M(aiesta)tis Intimus Consiliarius, nec non Supremus ac Generalis Magister Ordinis Crucigerorum cum Rubea Stella per Boemiam, Morauiam, Sile
siam et Poloniam (et)c.
NOTVM FACIMVS TENORE PRAESENTIVM QVIBVS EXPEDIT VNIVERSIS SVPPLICATVM
nobis fuisse a Religiosa ac deuota Virgine Anna Vrsula Priorissa, ac toto Conuentu Monasterij Sanctae Annae Ordinis Sancti Dominici, in antiqua Ciuitate Pragensi, quatenus authorita
te nostra Ordinaria litteras infra scriptas faelicis memoriae quondam R(euerendissimi) Gregorij Episcopi Pragensis Antecessoris Nostri, super Iuspatronatus Eccl(es)iae Sancti Leonardi in Veteri vrbe Pragensi
sitae, Priorissae et Conuentui dicti Monasterij Sanctae Annae datas et concessas, innouare, approbare, ratificare et confirmare; ipsum Iuspatronatus (quod etiam Summorum Pontificum, et Ro
manorum Imperatorum ac Boemiae Regum authoritate stabili tum fuit; temporum autem iniquitate et Haereseos uiolentia e manibus ipsarum ereptum erat) gratiose eis restituere dignaremur.
Quarum quidem litterarum tenor per omnia in haec sequitur uerba. IN NOMINE D(OMI)NI AMEN. GREGORIVS DEI gratia Episcopus Pragensis Vniuersis praesentes litteras in
specturis Salutem in Domino IESV Christo sempiternam. NE rerum gestarum memoria per decursum temporis deperiret Sapientum introduxit auctoritas et consuetudo laudabilis approbauit ut
ea quae geruntur in tempore scripturarum testimonio perhennentur. Noscat igitur tam praesens aetas, quàm successiua posteritas futurorum. Quod Venerabiles Viri D(omi)ni Vlricus Praepositus, Io
annes Archidiaconus, et Ioannes Scholasticus Pragensis Eccl(es)iae, nec non Nobiles Viri Dominus Vlricus filius quondam Domini Diuissij Marschalcus Serenissimi D(omi)nj nostri Regis Boemiae et d(omi)n(u)s
Hermannus miles dictus de Hohenberg, in n(ost)ra constituti praesentia ex parte Nobilis et Honestae D(omi)n(a)e Katharinae relictae quondam D(omi)nj Iarossij de Fuchsberg nobis exponere curauerunt. Quod ip
sa d(omi)na Catharina relicta feruore almi Spiritus inflammata Iuspatronatus Eccl(es)iae Sancti Leonardi in Praga, quod ad ipsam iure haereditario a multis retroactis temporibus pertinebat Religiosis ac dilectis
in Christo filiabus Priorissae et Conuentui sororum inclusarum Monasterij Sanctae Annae in Praga, Ordinis Sancti Augustini secundum instituta, et sub cura fratrum Ordinis Praedicatorum uiue(n)
tium in ipsorum praesentia concessit, tradidit et donauit pro suo suorumq(ue) remedio peccatorum per ipsam Priorissam et Conuentum sororum Monasterij praedicti, libere ac perpetuo possidendum no
bis ex parte eiusdem d(omi)n(a)e Catharinae relictae ipsius d(omi)nj Iarossij humiliter ac cum instantia supplicantes, Quatenus concessioni seu donationi suae praedictae nostrum assensum beneuolum dignaremur de
benignitate solita impertiri, ac ipsam ex Officij n(ost)ri debito confirmare. Nos attendentes petitionem ipsorum rationabilem atq(ue) iustam, et fauore Religionis pijs ipsius praedictae d(omi)n(a)e Catharinae relictae d(omi)nj
Iarossij desiderijs annuentes Concessionem seu donationem suam p(rae)dictam, ratam et gratam habentes authoritate qua fungimur, confirmamus Volentes ut praedictae filiae in Christo dilectae Prioris(sa)
et Conuentus sororum Monasterij saepedicti, Eccl(es)iam Sancti Leonardi saepesatam, cum vacauerit per Vicarium qui a nobis et Successoribus n(ost)ris curam recipiat animarum, officiare debeant, ac ibidem om(n)ia
administrare Ecclesiastica Sacramenta. Adhaec permittimus, vt iamdictae filiae in Christo dilectae Priorissa et Conuentus sororum inclusarum Monasterij saepedicti omnes fructus ipsius Eccl(es)iae Beati Leon
ardi in Praga quocunq(ue) nomine censeantur suis usibus ualeant applicare, sustentatione Vicarij congrua reseruata Iuribus Legatorum sedis Ap(osto)licae n(ost)ris ac Archidiaconalibus in o(mn)ibus semper saluis. In cui(us)
rei testimonium praesens scriptum fieri et Sigilli n(ost)ri munimine fecimus roborarj. Datum Pragae Anno D(omi)nj M. CC. LXXXVIII. III. Idus Iunij, Indictione XI. Pontificatus vero n(ost)ri Anno secundo.
NOS igitur uisis ac diligenter inspectis praedictis litteris nobis in Originali exhibitis, ipsis ueris et absq(ue) suspicione aliqua reputatis, eiusdem Priorissae ac Conuentus Monasterij Sanctae Annae petitioni utpote ra
tionabili annuentes praefatas litteras Ep(iscop)ales in o(mn)ibus suis punctis, articulis, clausulis, et sententijs innouamus, approbamus, ratificamus, et plenius confirmamus: et deinceps Iuspatronatus in ijsdem expres
sum Priorissae Monasterij S. Annae in Veteri Vrbe Pragensi, et Conuentui eius, tanquam veteri, uerae et legitimae Patronae restituimus: hac conditione tamen et modo; ut p(rae)fata Priorissa quae nunc est, uel pro te(m)
pore fuerit teneatur in praenominata Eccl(es)ia S. Leonardi p(rae)sentare Presbyterum idoneum, Canonice promotum ac inuestitum. Et quoniam Paterno competit onus tutele, et conseruationis; uolumus, ut ex
praedictae Eccl(es)iae S. Leonardi obuentionibus, censibus et utilitatibus per saepesatam Priorissam om(n)ia eiusdem Eccl(es)iae sarta tecta conseruentur cunctisq(ue) illius necessitatibus debite prouideatur. In quorum
omnium fidem ac testimonium praesentes litteras manu nostra subscriptas Sigillo quoq(ue) n(ost)ro muniri iussimus. Quae datae sunt Pragae in solita Archiep(iscop)alj Residentia nostra die Tertia Martij Anno
a partu Virgineo Sexcentesimo supra Millesimum Vicesimo Octauo.
Ernest(us) ab Harrach (et)c.
Antonius Schilling de Gruenfeld(t)
Cancellarius (et) cons(iliarius) (et)c.