S E C V N D V S D I V I N A F A V E N T E C L E M E N T I A
Electus Romanorum Imperator semper Augustus ac Germaniæ, Hungariæ, Bohemiæ, Dalmatiæ, Croatiæ et Sclavoniæ Rex, Archidux Austriæ, Dux Burgundiæ, Marchio Moraviæ, Lucemburgensis et Silesiæ Dux, Marchio Lusatiæ (et)c(etera). Ad
perpetuam rei memoriam notum facimus tenore præsentium, et nostro, hæredumq(ue) nostrorum Successorum Regum Boëmiæ nomine, Vniversis et Singulis, ad quos hæ literæ nostræ pervenerint, præsentibus et futuris memoriæ commendamus:
Cum Imperatores, Reges et Principes, muneris sui ratione teneantur non tantum Subditorum Saluti, Consilio et Armis, prospicere, eaq(ue) quæ ad Statum Reipublicæ Pacisq(ue) et Tranquillitatis conservationem pertinent, curare; Verum etiam
quæ ad propagandam et tuendam Divini nominis Gloriam et Augmentum veræ Sanctæq(ue) Religionis nostræ Catholicæ Apostolicæ Romanæ spectant, indefesso studio promovere, eorumq(ue) qui sub vita Regulari, postpositis Mundi voluptatibus,
ad famulandum Deo sese obtulerunt, et per Divini Verbi Prædicationem aliaq(ue) Ecclesiastica Sacra Munia Omnium Saluti sese impendunt, commodis prospicere, eorumq(ue) pios conatus studiose promovere. Sane accedens nostræ Maje
statis Præsentiam Honestus Frater Joseph a Cruce Superior Eximij Ordinis Beatissimæ Virginis Mariæ Discalceatorum de Monte Carmelo, Conventus Pragensis, humillime et instanter supplicans, quatenus de Benignitate nostra Cæsarea,
Ecclesiæ dicto Ordini suo Templum quoddam in Micropragensi nostra Vrbis parte Vocat(um) situm, nuperrimis Annis ab Hæreticis ædificatum et Sanctissimæ Trinitati dicatum, in suum spiritualem Vsum, una cum omnibus ad id spectan
tibus pertinentijs gratiose dare, concedere et assignare dignaremur. Nos itaq(ue) qui augmentum et propagationem Sanctæ Religionis Catholicæ, piorumq(ue) locorum Exaltationem intensis affectamus desiderijs, votis dicti Supplicantis,
hac in parte grata quod Exauditione duximus annuendum. Quapropter ex certa nostra Scientia non per Errorem aut improvide, sed animo deliberato, sano, et maturo Procerum aliorumve fidelium nostrorum accedente Consilio, Auto
ritate Regia, tanquam Rex Bohemiæ memoratum Templum præfato Ordini Beatissimæ Virginis Mariæ de Monte Carmelo una cum integro Cœmiterio, ad idem Templum spectante, et duabus Domibus, quarum primam antehac Hæreticus Præ
dicans inhabitabat, et alteram, quam olim Nobiles Griespekiani possidebant, et jam sibi sæpedictus Ordo ab Egregio Don Martino de Huerta Locumtenente Militiæ, donatam habet, nec non cum aquæ ductu et spacio vel area, quæ supra
scriptum Templum ex una, et Domum Griespekianam ex altera parte attingit, dedimus, concessimus, et assignavimus, prout vigore præsentium damus, concedimus, et assignamus: Ita ut inibi ejusdem Ordinis Fratres habitare, et juxta
Sacrosanctos Canones, et ipsius ritum et institutum Domino Deo perpetuo sine cujusvis perturbatione et molestatione alacriter et fructuose famulari, nec non pijs eorum obsequijs et exercitijs publicis et privatis, Concionibus, et
spectatæ Virtutis exemplis Populum docere, atq(ue) idem Templum cum omnibus suis Juribus, et quibuscunq(ue) pertinentijs mobilibus, et immobilibus, quæ a Nobis cedi possunt, libere, quiete, plene, et integre in posterum et perpetuis
temporibus possidere, et absq(ue) ulla exceptione pacifice uti et frui possint, ac valeant. Et propterea requirimus Serenissimos ac Charissimos Filios, Hæredes, ac Successores nostros Reges Bohemiæ eis paterne et gratiose commit
tentes, ut Donationem hanc nostram fideliter et diligenter manuteneant, observent, et fieri curent, ut hæc omnia desideratum a Nobis Effectum et Executionem, atq(ue) etiam protectionem semper habeant et consequantur. Man
damus quoq(ue) Vniversis et Singulis Superioribus et Inferioribus Officialibus cæterisq(ue) Subditis ac fidelibus nostris, per Regnum nostrum Bohemiæ ubilibet constitutis, cujuscunq(ue) Status, Gradus, Conditionis seu præeminentiæ
extiterint: In primis vero Judicibus nostris, Consulibus, Senatibus et alijs Incolis Triumq(ue) Pragensis, præsentibus et futuris, ne sæpedictos Fratres in possessione memorati Templi, et aliarum ad id spectantium Pertinentiarum, sive
in personis, sive in rebus molestent, nec a quoquam alio super his omnibus turbari, aut quocunq(ue) modo molestari permittant. Verum juxta hanc Nostram Donationem et Confirmationem nostro nomine efficaciter tueantur et conser
vent; Secus sub animadversione et pœna nostra gravissima nequaquam facturi. In quorum omnium plenum et inviolabile robur et testimonium perpetuo valiturum, Diploma hoc Nostrum manu Nostra subscriptum et Sigilli
nostri Cæsarei appensione munitum, super his omnibus fieri, et prædictis Fratribus assignari jussimus. Dat(um) in Civitate nostra Archiducali Neostadij Austriæ, Septimo Calendas Septembris, Anno Do