Nos Ferdinandvs Secvndvs Divina Favente Clementia Electvs Romanorvm Impera
tor, semper Augustus, ac Germaniae, Hungariae, Bohemiae, Dalmatiae, Croatiae, Sclavoniae Rex, Archidux Austriae, Dux Burgundiae, Brabantiae, Stiriae, Carinthiae
Carniolae, Marchio Moraviae, Dux Luxemburgiae, ac Superioris et inferioris Silesiae, Wirtembergae et Teckae, Princeps Sueviae, Comes Habspurgi, Tirolis, Ferreti, Kyburgij et
Goritiæ, Landtgravius Alsatiæ, Marchio Sacri Romani Imperij, Burgoviæ, ac Superioris et Inferioris Lusatiæ, Dominus Marchiæ Sclavonicæ, Portus Naonis et Salinarum.
Ad perpetuam rei memoriam notum facimus tenore præsentium, Vniversis quibus expedit. Humillime Nobis exposuerunt devoti Sincere Nobis dilecti, Frater Felicianus a Sancto Bartho
lomeo, Prior, cæteriq(ue) Fratres discalceati eximij Ordinis Beatissimæ Virginis Mariæ de monte Carmelo, Conuentus Pragensis, quod cum Templum Sancto Ludovico consecratum et ante hac
a Nobis Congregationi Nationis, quæ ibi Pragæ est, Gallicæ datum in Cœmeterio suo situatum sit, cum devoto Sincere Nobis dilecto Fratre Vincentio de Narbona, Priore apud Sanctum Ægidium Pra
gæ et modo dictæ Nationis Protectore suo, ac totius dictæ Nationis nomine ob certos quosdam eosq(ue) pios atq(ue) dignos respectus, hunc in modum convenerint, vt Nationi Gallicæ addicti iure suo, quod in dic
to Templo apud Sanctum Ludouicum hucusq(ue) habuerunt, nominatis fratribus Carmelitis discalceatis cedentes, pia devotionis suæ, ac Sanctæ Religionis Catholicæ exercitia, quibus hactenus vi institu
ti sui incubere ad templum filiale Sancti Iohannis in Veteriori Pragensi Ciuitate situm et superiori mense a Nobis Fratribus Ordinis Sancti Dominici traditum transserant, demisse suplicando vt
non solum conventionem hanc et Translationem Nobis ratam atq(ue) gratam habere, verum etiam Nostra authoritate idem templum præfatis Fratribus Carmelitis tradere atq(ue) assignare clemen
ter dignaremur. Cum igitur Nobis singulariter curæ cordiq(ue) sit pios Religiosorum conatus adiuvare et ea quæ ad præcavendas confusionum occasiones propagandamq(ue) Religionem Nostram
Catholicam magis accomodata esse videntur, omni benevolentiæ Cæsareæ Regiæq(ue) Nostro studio promouere atq(ue) conservare; precibus supplicantium subnixis clementer duximus annuendu(m).
Quapropter ex certa Nostra scientia, sano et maturo procerum aliorumq(ue) fidelium Nostrorum accedente Consilio, authoritate qua pollemus Regia Bohemica prædictam conventionem et Transla
tionem, clementer approbauimus, et confirmauimus, prout et vigore præsentium eandem approbamus et Confirmamus, volentes vt non solum sæpenominatæ Nationis Gallicæ Congregationi
ab Ecclesia Sancti Ludouici ad prædictum St. Ioannis Templum transmigrare suamq(ue) devotionem ac pietatis exercitia eo transserre liberum sit, verum etiam sæpe dicti Fratres Carmelitæ di
scalceati memoratum Templum apud Sanctum Ludouicum eodem plane Iure ijsdemq(ue) pertinentijs, quibus hactenus Natio illa Gallica possederat eiq(ue) a Nobis traditum erat, libere, quiete ac
sine cuiusuis perturbatione possidere, et ibidem iuxta Sanctos Canones ac Ordinis sui ritum cultum divinum, cui sese manciparunt exercere possint ac valeant. Et propterea mandamus
vniversis et singulis superioribus Officialibus, cæterisq(ue) Subditis ac Fidelibus Nostris, per Regnum Nostrum Bohemiæ vbilibet constitutis, cuiuscunq(ue) sint Status, Gradus, conditionis seu præ
eminentiæ, præsentibus et futuris, ne sæpe dictos Fratres Carmelitas in possessione memorati Templi apud Sanctu(m) Ludouicum molestent, nec a quopiam molestari aut turbari permittant, sed
potius iuxta hanc Confirmationem et indulgentiam Nostram Cæsaream Regiamq(ue) efficaciter tueantur atq(ue) defendant. Nemine prorsus sub animadversione et pœna Nostra gravissima refra
gante. In quorum fidem et evidens testimonium, hasce præsentes manu Nostra subscripsimus et Sigilli Nostri Cæsarei Regijq(ue) appensione communiri curauimus. Datas in Ciuitate Nostra Vienna
die 28 Mensis Ianuarij. Anno Domini Millesimo Sexcentesimo Vigesimo Septimo, Regnoru(m) Nostroru(m) Romani Octavo, Hungarici Nono, et Bohemici Decimo.
Ferdinandus