Wenceslaus dei gracia Roman(orum) Rex Semp(er) Augustus Et Boemie Rex Notum facimus tenore presencium vniuersis
Q(uo)d nuper pro parte Religiosorum .. Prioris et Conuentus Monasterij sancte Marie ordinis Carthusiens(is) p(ro)pe pragam nostre
maiestati extitit humiliter supplicatum Quat(us) ad hoc n(ost)r(u)m consensum tamquam Rex Boemie dare dignaremur Et ipsis graciose
indulgere Q(uo)d ipsi pro Mille Sexaginta grossorum denario(rum) Pragen(sium) bona seu possessiones in Regno nostro Boemie licite pos
sent emere Et nominatim Curiam Mokirzko cum suis p(er)tinenciis in districtu Wltauien(si) prope villam Czelina situatam Nos
igitur attendentes eorum vitam comendabilem quam ducunt mundam et religiosam sperantes q(uo)d n(ost)re gracie ip(s)is im
pendit nostra Serenitas q(uo)d ob hoc ipsorum oracionum interuentu augeatur nostra felicitas Et in eterna vita nobis retri
buatur feliciter per bonorum omnium largitorem Animo igitur deliberato non per errorem aut improuide Sed de certa
nostra sciencia tamquam Rex Boemie prefatis .. Priori et Conuentui indulgendum duximus indulgemus p(re)sentibus innu(en)tes
fauorem et licenciam impartimur Q(uo)d ipsi prefatam Curiam et alia bona infra Regnum n(ost)r(u)m Boemie consistencia vsq(ue)
ad valorem Mille Sexaginta dictorum grossorum denario(rum) Pragen(sium) h(ab)ere possint et valeant pro p(re)dicto Monasterio
suo p(er)petuo comparare Jta tamen q(uo)d de silua ad Curiam p(er)tinente supradictam nulla penitus ligna scindere secare aut dis
trahere debeant nisi dumtaxat combustibilia quo ad vsum ipsorum et edificijs reparandis seu p(er) eos construendis Man
damus igitur Honorabili Stephano Notario Tabularum Regni Boemie deuoto dilecto Quat(us) postquam d(i)c(t)os .. Priorem
et Conuentum Monasterij Carthusiens(is) bona huiusmodi pro Mille Sexaginta emere contigerit Ex tunc statim bona ip(s)a Tabulis
Terre inserere et inserta taliter debeat roborare Q(uo)d dicti .. Prior et Conuentus in pacifica possessione bonorum ip(s)orum exnunc
inantea p(er)maneant ip(s)aq(ue) in(per)petuum possideant sub ista libertate et condicione quemadmodum alia sui p(re)fati Monasterij bona
possidere noscuntur Superioritatis tamen dominio berna et alijs Juribus de dictis bonis nob(is) debitis semp(er) saluis Presen
cium sub Regie Maiestatis nostre Sigillo testimonio litterarum Datum Prage Anno domini Millesimo Trecentesimo
Octauagesimoprimo Jndiccion(e) quarta xiiij kalen(das) Septembr(is) Regnorum nostrorum Boemie Anno decimonono Rom(anorum) v(er)o Sexto

Ad man(datum) d(omi)ni Regis d(omi)no .. duce Teschinen(si)
referente Conradus Ep(iscopu)s Lubucens(is)