Ich chunrat der Alte Nothaft von Weidenberch . vn(d) ich chunrat
der Jvnger Nothaft von Weidenberch . vnd ich hainreich d(er) Jvnge Nothaft
von Weidenb(er)ch wir tv(e)n chvnt In disem brief Allen den die in sehent oder
ho(e)rent lesen . Daz wir der Erbn(n) frowen der Eptissinne von Eger / vn(d) dem
Couent dez selben chlosters ze Eger Aygen vnseres lehen daz woydanfrewt
die fraw Wuschen toht(er) von d(er) hayde gechouft hat . sehs Eht(er) Gvlt hab(e)n
vn(d) chornes . vn(d) ein zehenden . d(er) Auch da gelegen ist / vn(d) haben daz getan
durch vnser sel willen . vn(d) durch vnser vord(er)n sel willen . daz si d(er) ewich
lichen gedenchen sullen . vn(d) vns Auch Bruderschaft geben ha(e)nt . wir J(e)he(n)
Auch daz wir noch vnser Erben nimmer mer nach den lehen mht gesprechen sullen
Daz nv daz sta(e)t weleibe . vn(d) vnzebrochen . dar vmb gibe ich chunrat d(er) alte
Nothaft disen brief besigelt mit meinem Insigel . da sich mein vor genant(er) Brud(er)
mit sampt mir vnder swa(e)rnt . Daz ist geschehen daz Eger do man zalt
von christes geburt . Drevzchen hvndert Jar in dem Nevin vn(d) zwainczigestem
Jar dez Guntiges vor dem palem tag .