Wir purgm(ei)st(er) und der R(a)t Gemein der purgk zu Eg(er) t(u)n chunt Alle den
di disen brif sehen oder horen lese(n) Daz der Ch(u)nrat des Dielms des Rots
sun verchauft hat reht un(d) redlich von sin selbs un(d) von siner geswistraid we
gen den swest(er)n send Claren ordens hie in dem chlost(er) den halbe(n) hof zu En
senpruk den in ir anher selig Ch(u)nrat der Helblinch schuf der auch halber
vor der vorgenant(en) swest(er) ist umb sibn un(d) virzich pfunt hall(er) werdes un(d) we
zales gelts mit alle dem daz zu dem selbe(n) halbe(n) hof gehort ob der erd un(d) un
ter der erd versuht un(d) un(er)suht un(d) mit allem nucz un(d) reht als si in her
pracht habent zu rehtem frien aigen ewichlich zu nieszzen Und hat er gelobt den
swest(er)n daz selb gut zuledige(n) un(d) zulosen reht und aich als des landes reht ist ob
ez an sprache wurd Und dar umb daz daz also stet beleib an allez geverd geb wir
in dise(n) offen brif zu urchund veselt mit der stat Insigel Der brif ist gebe(n)
do man zalt von Christes gepurt drewzehenhundert iar dar nach in dem drein
un(d) dreizzigist(en) iar an send walpurg tag wen si sin p(ra)esentia su(n)t geret un(d) geta(n)