Wir Wenczlaw von gotes gnaden Romischer kunig zu allen czeiten merer des reichs vnd kunig zu Beheim Bekennen vnd tun kunt offenlichen
mit disem briue allen den die yn sehen oder horen lesen Das wir von wegen der geystlichen Eptissen meysterynne vnd Couents des Junkfrawen
closters zu Eger sante Claren ordens gelegen in Regenspurger Byschtumb vnsr liebn andechtigen demutlichen gebeten sein das wir yn vnd
yrem closter eynen brieff den sie haben von seliger gedechtnisse dem allerdurchluchtigsten fursten vnd herren hrn Karolen eewem Romische(n)
keiser vnd kunige zu Beheim vnsrm lieben herren vnd vater zu ernewen zu beuesten zu bestetigen vnd zu co(n)firmiren gnediclichen geruch
ten der von worte zu worte also lautet als hernach geschriben steet Wir Karl von got(es) gnaden Romischer keiser zu alln czeiten merer des
reichs vnd kunig zu Beheim Bekennen vnd tun kunt offenlichen mit disem briefe allen den die yn sehen oder horen lesen das wir von wegen der geist
lichen der Eptissen meysterynne vnd Conuent des Junkfrawen closters zu Eger sante Claren ordens gelegen in Regenspurger Byschtumb vnsr
lieben andechtigen demutlichen gebeten sein das wir yn vnd yrem clostr sulche hantfesten vnd brieue die sie von Romischen keisern vnd kuni
gen vnsrn vorfaren an dem reiche vnd andrn andechtige erbern Cristen leuten vber die dorffer dremat vlrichsgrun vnd Schotzenreut vnd
auch andr ir guter freiheit recht gnaden vnd zugehorunge erwarben vnd herbracht vnd alles das in den egen(anten) hantfesten vnd briefe be
griffen ist gnediclichn geruchten zu bestetigen des haben wir gote zu lobe vns vnd vnsrn vorgen(anten) vorfaren an dem reiche selen zu hail vnd
zu troste mit wolbedachtem mute rate vnsr getrwen rechter wyssen vnd keiserlichr mechte den obgenant(en) Eptissen meysterynne Conuente vnd
closter sulche hantfesten vnd brieue mit alln freiheitn rechtn gnaden vnd zugehorunge vnd auch alles das derynne begriffen ist gelich
weis als ab sie von worte zu worte in disem brieue begriffen weren vnd sunderlichen die dorffer dremat vlrichsgrun vnd Schotzenreute
mit andern irn dorffern vnd zugehorunge wie die genant oder wo sie gelegen sein als sie die redlichn vnd recht herbracht habn gne
diclichn bestetiget vnd beuestent vnd co(n)firmiret bestetigen beuesten vnd co(n)firmiren auch mit disem brieue dorumb wirbietn wir alln
fursten geystlichn vnd weltlichn Grauen freyhen rictn knechten hauptman Amptleuten Burgermeist(er) gemenden der stet vnd sunder
lichen dem hauptman vnd der stat zu Eger vnd andrn vnsrn vnd des reichs getrewn die nu sein oder in czeitn werden das sie die egen(anten)
Eptissen meysterynne Couent vnd ire leute do vnd nicht hyndern angreiffen oder beschedigen sullen in dheineweis Als lieb yn sey vnsr
vnd des reichs swere vngnad vnd die buzze czehen mark golde die halb in vnsr vnd des reichs Camer vnd das andern halbteil den
clagern geuallen sullen als offte des geschicht smeiden wollen mit vrkunt ditz briefes besigelt mit vnsrr keisrlichn maiestat In
gesigele der gebn ist zu nurnberg nach Cristi geburte dreytzehenhundrt Jar dornach in dem dreyvndsibenczigst(en) Jar an vnsrs
herren offart tage vnsrr reiche in dem Sibenvndczwenczigsten vnd des keistumb in dem Achtzehenden Jar des haben wir angeschn
ire fleizzige redliche vnd demutige bete dorumb gote zu lobe vnd zu eren des vorgen(anten) vnsrs liebn herren vnd vaters vnd andrn vnsr vorfaren
an dem reiche vnd vnsrn selen zu haile vnd zu troste vnd habn dorumb mit wolbedachtem mute gute rate vnd recht wyssen den ob
geschriben brieff vnd alle andr brieue von wem sie die habn als sie die recht vnd redlichen erwarben vnd herbracht habn in alln iren
meynunge begriffungen artiklen vnd puntten gleicherweis als ob sie von worte zu worte in disem vnsrn brieue begriffen vnd leschn
ben weren gnediclichn ernewet beuestet bestetiget vnd confirmiret Ernewen beuesten bestetigen vnd co(n)firmiren yn die in crafte ditz
brieues doch vnschedlichen vns vnd alln andrn an vnsrn vnd iren rechten Vnd gebieten dorumb allen fursten geystlichn vnd weltlichn
Grauen freyen herren Rittern knechten hauptman Amptleuten Burgermeist(er) gemenden der stete vnd sunderlichen dem hauptman
vnd der stat zu Eger vnd alln andrn vnsrn vnd des reichs getrewen vnd vndertanigen die nu sein oder in czeitn wrden das sie
die egen(anten) Eptissen meysterynne Couent ir clostr vnd leute wider dise gegenwortige vnsr gnade nicht hindern dringen irren noch sche
digen sullen in dheineweis Als lieb in vnsr vnd des reichs swere vngnad vnd die buzze die in des vorgen(anten) vnsrs vaters briefe begriffen
ist wollen vrmeiden mit vrkunt ditz brieues besigelt mit vnsrr kunigclichn maiestat Ingesigele der gebn ist zu Eger nach cristi
geburte dreytzehenhundrt Jar dornach in dem czwevndachtczigsten Jar an sant Symons vnd Jude tage den hailigen czwelfboten
vnsrs reichs des Behemischen in dem czwenczigst(en) Vnd des Romischen in dem Sibenden Jar