Ich Sophia von Schonburt swester dez Conuentes sant Clare orden in dem Juncfrawen claster zu Eger Bekenne in disem offenmbrife vor allen
die en sehent adir horent lesen daz Ich mit wolbedachtem mute mit gute willen vnd mit guter gewissen vorkauft han den erbern Jnnigen Juncfra
wen der Ebtissin vnd der ganzen samnuge dez Conuetes dz obgenaten clasters zu Eger vnd allen iren nachkomen daz halbe dorf czu Obernithossenrewt
vnd als vil dz selben dorfes mein gewest ist miteinader recht redlichen vnd erbelichen vberal nichtes ausgename nach hindan gesatzt besunder
daz sie das selbe halbe teil dz genanten dorfes in aller der weise mase vnd rechten ynne haben sullen als sie daz ander ir halbe teil dez selbe dorfes
ynne gehabt han vnd nach haben vnd als ich ez ynne gehabt han vnd an mich kumen ist mit aller seiner czugehoringe mit herschaft rechten czinse
gesenden renten mit yethen wassern wasserrenusten vischen vischberc vischerey mit struichen pruschen holzern pynnen stocken steme vnd hayde
vnd mit aller gegeyde vnd besunder mit allen nutzewtzede vnder der erden vnd ob der erden besucht vnd vnbesucht vnd wie auch die nutze sunst
tu vnd genyse genat sein adir genat mugen werden vberal keinerlei gesundert nach ausgenamen Darumbe so haben sie die samnuge dz Conetes
dz vorgenante clasters mir ein gewisse genante Some geldes geruht vnd geantwrt vnd mit gutem gereytem gelde beczalet gancz vnd gar daz
mir wol geniget vnd daz habe ich von in enpfangen vnd emgenamen vnd an meine nutcz vnd frumen geleit vnd gewendet vmb daz vorzeihe
ich mich dz obgenanten dorfes herschaft vnd guter vnd waz darzu gehoret adir gehoren mag adir gevallen daz ich nach auch nymand vo
mein wegen czu dem genantem dorfe vnd sein gutern wie die genant sein adir wo die gelegen sein adir wer sie ynne hat nymerme sal nach
enmaig czusprechen czusachen nach czuwarten in keinerlei weise weder mit recht geistlich nach werltlich nach aus an recht vnd ab ich nyma(n)d
sonst adir vnwissende an dem vorgenanten dorfe adir gutern ichtes vor adir hienach dem datum diss brifes vorgeben vorkaufet vorsticket adir
vorbesetzet hette adir wolde mit worten adir werken mit brife adir an brife anders ymand denn dem obgenante Conuete daz das kein kraft
macht recht nach vorgank sal haben vnd vmb daz alles gelobe ich bei meinen guten trewen eren vnd eiden daz selbe halbe teil dez vorgenaten
dorfes vnd sein czugehoringe in den Juncfrawen dez genante Conuetes gemeinlichen ledigen vnd entwerren vor allen enpellen anspruchen
adir czuspruchen vnd vor aller menclich als site recht vnd gewonheit ist in Egerer adir Elbogener land Alle art anstetze vnd liste
allhie aus geslussen vmb ab der brife von nesse keuschkeit schaben adir wurmen icht male adir locher gewinne dennach sal er ein guter
gerechter vnd ein vertiger kreftiger brif sein vor allen widmigen rechten vnd gerichten geistlichen vnd werltlichen vor allir menclich an
aller widerrede dez czu eine wiscen waren bekentnisse han ich obgenante Sophia von Schonburt mein Jnsigel mit wissen vnd willen han
gen lasen an disen offenmbrife darzu han ich gebeten mit ganzem fleise den Erwirdigen geistlichen vnsern liben vater herren
Herman Schilmg cynnister in Sachsen vnd den namhaftigen manne Erhart Endrissen darzu die erbern Juncfrawen meine
liben mumen vnd geistliche swestern dez vorgenante sant Clare orden in dem obgenante claster Agnesi Tescham vnd Annam Colomannin
naturliche geswistere daz die czu geczenkniss vnd besser sicherheit wegen In vnd iren nachkomen an entgelt Jre Jnsigel auch an disen
brife hangen haben lasen Daz ist geschehen an sant lorenzen obend dez heiligen merteres Nach Cristi geburt als man czalt vircze
henhundert Jar darnach in dem czwelftem Jare