Wir Nyclaus Abbt vnd der gancz Conuent gemain des Stiffts der Waltsassen Bekennen
offenntlichen fur Vns vnd alle vnnsere nachkomen Allermeniglichen an dem brief die in
sehen horen ader lesen Nach dem vns die Andechtig Swester Anna Colbratin Closter Iunck=
fraw der heiligen Iunckfrawen Sandt Claren zcw Eger vor ettlichen Iaren vmb des willen
Vnd die der lobgesange Salue regina so der vber Iar teglichen nach vnnsers ordens gesecze
Sant Marie der ewigen Iunckfrawen vnd gepererin Ihu(s) cristi zcw lob vnd ere in vnnserm
Closter Waltsassen gesungen wirdt tailhafftig sein moge vmb zcwai Iar getraides Ierlichs
zins halb korn vnd halb habern in dem dorff Hoderfrewt gen der Stat Eger gelegen
Auf dem gut darauf der Teufell die selben zeit sas vnd yczundt zcw dieser zeit Pauls Sell=
weck auf siczt mit mannschafft Iweysat vnd aller gerechtikait Vnns vnd vnnserm Closter
Waltsassen gegeben hat Erblichen vnd ewiglichen Des wir dann als andre vnnsere Gueter
aygen nuczen vnd geprauchen sullen Vnd mugen zcw ewigen zeitten awch Also haben
wir bedacht die loblichen reformacion der Ebbteßin vnd ganczen Conuents des genanten
Closters Sandt Claren Sunderlichen wann sy offter andre angenum der personen in das
Conuin sindt geslagen vnd haben darumb den selben irn willen worden vnd der genanten
Ebbteßin Conuent vnd Irem Closter den vorgedachten zins zcwai Iar getraide halb korn
vnd halb habern Aber mit mannschafft Ibeysat vnd aller gerechtikait wie das an vnns komen
ist nichtz awßgenomen noch an dan gesaczt In Ir Conuin widerumb Erblichen vnd
ewiglichin gegeben In crafft des abgetretten vnd vnns des iczigen Geben In das
selb In des ab vnd dzeiben wir des In vnd mit krafft des briefs awß vnnsern gewalt
Vnd hennden In Ir gewalt vnd hende also ewiglich zcw bleiben Doch vmb ein Sum
gelds der wir von In an alle vnnsere mue last vnd schaden In rechter weile vnd zeitt gancz
awßgericht Vnd bezalt sein Also das solicher zins vnd gerechtikait Nv hin fur der Ebb=
teßin zcw Eger Iro sten ßa die sich deß also vnderwinden das nuczen vnd geprauchen
vnd zcw ewigen zeitten domit thun vnd lassen In aller massen vns furm wie wir domit
zcw thun vnd zcw lassen gehabt haben Desselben obgenan(ten) zins vnd gerechtikait wir
Nyclaus Abbt vnd der gancz Conuent fur vnns vnd alle vnnsere nachkomen In krafft
des briefs Vnns genczlichen vnd lewtterlichen dzeihen Die noch alle ir nachkomen darumb
auch nyndmer mer an zcw fodern Vnd irer kain gerechtikait daran haben noch gewynne(n)
sullen wider mit gaistlichen ader werntlichen rechten wider mit briefen noch an
brief nach sy offter In kainer weiß Vnd dabey die vßthwung die wir daruber gehabt
haben In die selb geben wellen noch der Egemelten Colbratin tode alles an arglist vnd
on alles geuerde Des zcw warer vrkunde geben wir In diesen brief mit vnnsere(n)
baider obgenan(ten) Abbts vnd Conuents anhangenden In sigell besigelt An dem
Andern Sontag In der vasten Reminiscere Nach Cristi vnnsers liben herren
gebundt Tawsent vierhundert vnd In dem drej vnd Sibenczigstem Iare