Nos Johannes dei gracia bohemie Rex ac lucemburgen(sis) Comes Notum facimus vniuersis
q(uod) Nos volentes Religiosas in xp(ist)o Abbatissam et Conuentum Sanctimonialiu(m) in Egra
ordinis Sancte Clare deuotas nostras dilectas in suis iuribus conseruare volumus
et recognoscimus hac serie q(uod) Burggrauii seu Castellani nostri in Castro Hertenbergk
preſentes et poſteri cum villa predictarum Monialiu(m) vt pote inferiori Schussenreut et omnib(us)
pertinenciis dicte ville nichil disponant Nec se de eadem intromittant nec aliquam iurisdicione(m)
exerceant in eadem sed simpliciter nichil cum ip(s)a villa aut suis pertinenciis ordinent vel
procurent Mandantes Burggrauio nostro ibidem qui iam est aut qui pro tempore fuerit
quatinus se de villa predicta et eius pertinenciis a nunc inantea nullatenus intromittant
Indignacionem nostram si secus agere presumpserint grauiter ineursuri Haru(m) testimonio
litterar(um) Datum Prage In die Beati Mathei Apostoli et ewangeliste Anno domini Millesimo
trecentesimo Quadragesimo Quinto .

Nos frater Erhardus Abbas Monasterii in Waltsassen Cystercien(sis) ordinis Ratisponen(sis) dio(cesis)
Notum facimus vniuersis et singulis p(rese)ncia inspecturis lecturis seu audituris ac constare volum(us)
et euident(er) patere Q(uod) venerandus et religiosus pater vir Anthonius ordinis minor(um) de ob=
seruancia Confessor Sanctimonialiu(m) in Oppido Eger quasda(m) l(itte)ras Serenissimi principis et d(omi)ni
d(omi)ni Johannis felicis memorie Regis Bohemie ac Comitis lucemburgen(sis) sigillo emanatas
ex parte prefatar(um) Sanctimonialiu(m) in Oppido Eger nobis exhibuit atten(cius) petens vt easdem
vidimare dignarem(ur) Nos igit(ur) p(re)fatus Erhardus Abbas q(ui)a p(re)dicta(m) l(itte)ram originale(m) vidim(us)
et rep(er)im(us) in pergameno cum dependente Secreto memorati Sereni(ssimi) principis et Regis
cerati inscripturis sanam integram nec in aliquo viciata(m) non cancellata(m) non rasam non ab=
olitata(m) nec in aliqua sui parte suspecta(m) Audiuim(us)q(ue) p(er) studiosam auscultac(i)o(n)em p(re)se(n)s vidim(us)
per omnia c(on)cordare cum suo originali l(itte)ra Igit(ur) ad instanciam et petic(i)o(n)em diligentem predicti
patris Anthonij hoc p(re)se(n)s transsumptum aut vidim(us) fieri iussim(us) Sigillo n(ost)ro Abbaciali secum(que)
Comuni Anno domini Millesimo Quadringentesimo octuagesimo Septimo quarta
die Mensis Julij .