Jch Vlrich vnd ich Ruttel die lobel gebruder vnd ich Margaretha loblin alle drey geswistrat vnnd En
gelhartzn lobels zu huban seligen gelassen kinder Bekennen fur vns vnser erben vnd nachkomen
offenlich an dysem brieff gen allermenniglich das vns die Erwirdigen vnd gaistlichen Junckfrawen
die Ebbtessin vnd Conuent zu sant Claren Ordens zu Eger vnser herschafft solch gelt vnd
varende habe wie vnd woran das gewesen ist nichts aussgenomen das vnns die hie in
vnnsern vnmundigen Jaren vns als waysen zu gut nach vnnsers vaters seligen tot Jnnge
nomen vnd enpfangen alles of vnnser begern wider gutlich aussgericht vnd vberant
wort haben des wir sy vleissig dancken vnd dorauff die gemelten Ebbtessin vnd Conuent
vnd all Jr nachkomen solchs Jnngehabten vnd enpfangen gelts vnd varende habe fur
vns all vnnser erben vnd nachkomen Jn krafft vnd macht des briefs gantz vnnd gar
quit frey ledig vnd los sagen vnd gereden das weder wir in gemain noch vnnser
Jdes besunder noch kainer vnnser sampt erben vnd nachkomen noch nymant von vnn
sern wegen die mergemelten vnnser herschafft all Jr nachkomen vnd alle dy sy
vnterworffen vnd verwandt sein nyemand aussgeschlossen von gedachts gelts varende
habe vnd gerets wegen noch vmb aynnicherlay desshalben berurend hinfur zu ewigen
zeiten nymmermer betaidigen anlangen noch zusprechen sollen noch wollen weder
mit recht gaistlich weltlich haimlich noch offenlich noch on recht gantz in kainerweis
Sunder vns solcher gemelten anforderung furder gichin lauterlich verzeyhen bey
vnnsern guten waren trewen aller on arg vnd geuerde des zuwarer vrkund
han wir genanten alle drey geswistrat fur vns all vnnser erben vnd nachkomen
gebeten die Ersamen vnd weysen Endresen pawer vnd Erharten haller baid des
rats zu Eger das hie Jr Jnsigel von vnnser bete wegen des Jnngezugtnus Jn
on schaden an den brif gehangen haben der geben ist am Montag nach dem
Suntag Letare in der hailigen vasten Nach Cristi geburt Virczehenhundert
vnd am Sibenvndnewnczigsten Jare