Ich Walter hinczer In pogeat gesessen bekenn fur mich all mein erben erbnamen vnnd nachkomen offenlich
mit disem briue gen allermenglich das ich mit guten willen vnnd wissen mein gestreuglach vnd hol
tzel Im pogeat holtz an partels staim von dreinicz vnnd an Erharts staim gelegen mit gemut
padem aller nuczung vnnd zugehorung sampt dem lehen vnnd aller gerechtikait ich von wolff endist
gekaufft mir nichts znuor behalten dem hanns Rabler von dreinicz allen seinen erben erbn
men vnd nachkomen vmb ein S(um)m gelts der ich In meinen nucz vnnd frumen gar vnnd brait
In danck von Im bezalt worden bin vnnd sie dar ledig sage das recht stetlich vnnd erblich zu kauff
en geben vnnd verkaufft des ich mich auch hie Innen ledigclich vnnd ganczlich verczeihe an alles
generd Bered vnd glob auch dabey fur mich all mein erben vnnd erbnamen dem genanten
hanns Rabler all sein erben vnd nachkomen die hinfur von wegin solchs holtzels vnnd
gestreuches nach des lehens vnnd aller gerechtikait halben ichs von Endist gekaufft
nach der S(um)m gelts halben mir des wegen ausgericht zu sweren zeinen nymmermer betai
den an langen darumb ader dar nach nit zusprechen sollen noch wollen weder mit recht kais(er)
lich werntlich haimlich noch offenlich noch sunst In kainer weys vnnd so solchs
kauffs gereds vnnd gelob zu entwerten vnnd vertretten wie das stat hat Im lannde
recht vnnd gewonhait ist an allen argn schaden alles pey ainem guten waren trewen
ledigclich an art vnnd an alles generd des zu warer vrkundt vnnd haldtnug hab ich
obgenanter walter fur mich all mein erben vnd erbnamen mit vleis gepeten den Edlen
vnnd vesten wolff Endist von dem ich solchs lehen vnnd gerechtikait obin bemelt
holtzel hab das er sein aigen angeporn Insigel des zugezeugnuss vnten an disen brieff
hat gehangen der geben ist vawntspags des andern des hailigen fronleichnams tag
Nach Cristi gepurt funfftzehenhundert vnnd Im vierten Jare