Ich Hanns von Wirspergk Zwm Höfflas gesessenn Bekenn fur mich mein Eliche Hawsfrawen vnd vnnsere erben erbne(m)men
vnnd Nachkome(n) offenlich mit disem brieff Das wir mit guten willen vnnd rechter wissen Ein ewigen steten ver
trag gemacht habenn Nemlich zwai(n)g halben(n) Teychen(n) der Erewirdigenn vnnd Gaistlichen Frawen(n) Frawen(n)
Katherina von Gebeugk Ebtessin sampt irem Conuent der Innekfraw Closters In Eger halben meines Taichs an
ir die Taich treffende In Cropitz vnter dem dorff gelegen(n) neben des selben stiefft Sanndt Claren Closters Teichen
also Nemlich hab Ich In vergunst vnnd gebenn meinen halben Taich des selben abgemelten meines Teiches nidern
Inen die Teichen(n) gelegen vnd gib In den selben halben Taich Inn crafft dits brieffs In ewigen zeiten In irer not
turfft ze prauchen p(r)iuilegio In dem fall was an Irem halben teil des selben Taichs abgeet das selbig pei passenn(n)
vnnd pawen sollen des gleichen was an meinem teil Taich abgeet vnd gepawet wirt ist auch haltai(n) passenn vnnd
pawen schull(n) Mer hab ich den selben abemelte(n) wirdigen stiefft vergunst vnnd Ingebenn(n) vnd gib In In In ewig(n)
zeiten den schwall Inzuhaben also ferr In not ist auff mein gte(m)m vnnd godem nach aller irer notturfft an Irem
Teich binds furen vnd trencken vnnd scholl die huet vnnd waid gehalten vnd gelassen werden In das dorff
In Cropitz meinen armen leuten In aller mass als von alters herkomen ist widerumb gib ich vnnd vergunn
In Iwer Rore das wasser In iren vnnd von Iren Teichen In aller mas als mein mutter vnd mein Brueder lorentz
seliger gedechtnus In vergangen Jare(n) In vergunst haben das sy das In ewigen zeiten also haben schullen nach
aller Irer notturfft Daran sy von mir mein erben nachkome(n) vnnd Inhabere(n) meiner guter Zwm Höfflas vnnd
meniglich vngehindert sein schullen In ewigen zeiten(n) Vmb die selben abgemelten stuck hat mir die genante
Fraw Ebtessin sampt Irem Innekfrawen des selben Closters meinen willen gemachet vergnugt vnd gutlich ent
richt wol bedanck dar auff ich sy quit ledig vnd los sage Inn crafft dits brieffs die selben oben angesetz(n) dingk
gereden vnd geloben sy fur vns vnnsere erben erbneme(n) vnd nachkome(n) vnd all Inhabere diser meiner gutter
Zwm Höfflas die egenanten ebtessin vnd stiefft sand Claren vnd allen Iren nachkome(n) pei hinfur an bemelten ge
rechtikeit In ewigen zeiten nicht irren hindern(n) noch anlangen sollen noch wollen weder mit Recht noch vnrecht
haimlich noch wissendlich heymlich noch offenlich noch sunst In kainerley weis wir mochten sy machen er
dencken(n) pey vnnsere(n) trewen waaren rechten Eydes(n) an ayd vnd alles geuerde Vnd mer hab ich dem wir
digen stiefft aws gunst vnd freuntschafft Ingelassen aws meinem Taich Ein Rynnen das wasser In ir teich
zu leiten(n) vnnd furen(n) nach all ir notturfft Do widerumb Bewilln(n) die genanten Innekfrawen(n) mir vnnd
meinen nachkome(n) Ierlich ein vererung thun mit einem schaff(n) khes(n) allweg In weynachten In aller
mass vnnd form als der Hawptampt leuten ainer gen hoen(n)bergk ader Eger thun wer aber sache das ich ader
mein nachkome(n) den Innekfrawen(n) nicht lennger vergunnen wolt die genanten Rynnen ader welchs raus
das wasser aws meinem Taich In die Iren mit gunst so sein sy mir vnd meinen nachkome(n) das selbig Jare nicht
pflichtig den schaff(n) khes(n) Ingebenn(n) vnd so auch die offt genanten Innekfrawen(n) die Rynnen(n) vnd wasser
aws meinem Taich nicht bedorfften ader haben(n) wolten(n) so muen(n) sy auch des schaff(n) khes(n) absteen(n) mir
vnd mein nachkome(n) Des zu warer vrkund vnd steter haltu(n)g hab ich obgenanter Hanns von
wirspergk mein Aygens angeborens Ingsigel wissentlich vnten an disen brieff thun hangen dar zu hab
ich mit vleis gepeten den Erbarn(n) vesten(n) Endresen von haslaw hawptman zu Eger die zeit
das er sein Ingsigel In aine(n) sein geben an stat(n) mir neben das mein hat gehangen Der Geben ist
Sambstags Nach letare Nach Cristi gepurt Funfftzehenhundert vnnd Im Sechstem Jare