Ich Wolfel mayer des Steffel mayers eidem zw Aberg pilmersreut seßgen Byn Bekenn fur mich all
mein erben vnd nachkomen offenlich an diesen brieff gen allermeniclich Das ich mit gutem willen
vnnd rechter wissen mein wiesen gelegen zw Ober Lmreut am anger neben des hasen wiesen
mit gamt poden allen irigen rechten vnnd zugehörungen nichts außgenomen Ledig vnnd frey Dem
fursichtigen micheln winter igms zw Eger allen seinen erben vnnd nachkomen vmb zwainczig Schock
groß Egerwerung zw Eger der ich von jm par bezallt worden bin vnnd In der ledig vnnd los sag
zu recht vnnd redlich zuchauffen geben vnnd verkaufft Der ich mich auch hierInn leuterlich ver
zeihe on als geuerde vnnd gerede Das weder ich all mein erben vnnd nachkomen Noch
niemand von vnsern wegen Den gemellten winter all sein erben vnnd nachkomen von der bestimpten
wiesen mit aller zugehörung noch von derselben kauffung obgenant wegen hinfur zw ewigen
zeitten nymerner beaidigen anlangen noch zusprechen Sollen noch wollen weder mitt
recht gaistlich weltlich haimlich noch offenlich noch one recht gancz in kainerweis bej vn
sern guten waren treuen on arg vnnd ongeuerde Ich glob jm auch die bemellten wiesen
mit aller zugehörung von allen rechtlichen ansprach gen meniclich zufreien zuledigen vnnd
zuantwurten Jar vnnd tag als der Stat zw Eger gewonhait vnnd recht ist on allen jren
schaden ongeuerde Des zrwarer vrkund han ich genanter Wolfel mayer fur mich all mein
erben vnnd nachkomen gebeten Die Erbern vnnd weisen hern Nidasen Heidenamer die zeit
Burgermeister vnnd Erharten muthern auch des Rats zw Eger das Sie jr Jnnßigel von
meiner betel wegen des zugezeuknus In on schaden an den brieff haben gehangen Der
geben ist am tag petri Stulfeier nach cristi geburt funfftzehenhundert vnnd jm vierzehenden