Wir Sigmund von gots gnaden Romischer keyser Zu allen czeiten merer des Reichs, und czu Hungern, Zu Behem, Dalmatien, Croatien (et)c(etera) kunigk, Bekennen und thun kunt offenbar
mit disem brieff allen den die In sehen oder horen lesen Wiewol wir allewege geneigt sein alle und igliche unser und des Reichs undertanen und getrewen zufurdern und alz ein vater moge
zubedencken, Iedoch sein wir un(d) willig und geneigt die geistliche(n) person(n) die In Iungkfrawlichem casten und von Iugentauff der welt opponiert Inne(n) gewachsen seindt unnd dem Almechtigen got In
einem geistlichen lauttern leben dienen und In seliglichen loben, Mit unsern keyserlichen gnaden zubedencken gnediglich zu hantgaben und zu schirmen und In auch fride und gemache zuschaffen, das sie leistig
unsern goten des frides lusthaber In fridlichem und gutem wesen desterbas geloben und Inniglicher geeren und anbeten mogen, Wann wir nu(n) wol gehort und gemerkt haben, do wir zu Eger waren, Das
die Eptin(n) unnd geistliche(n) frawen liebe andechtige In Christo unnd das Convent gemeinlichen des Closters zu Eger sant Claren ordens in Regenspurger bistumb gelegen umb ordenlichen lebens sein unnd Irs
theils in gots dinst teglichs mit singen und lesen vleissig und embsig versehen, unnd darumb das sie solich gots dinst desterbas geuben unnd durch fride unnd gemach haben mogen, Haben wir In mit wolbedachtem
muthe, gutem Rate unnd rechter wissen, disze gnade gethan geordent und geseczt, thun ordnen und seczen von Romischer keyserlicher macht In crafft disz brieffs, Als das kein Burggraff oder Amptman zu weissen=
stein unnd Tierspein, der obgenanten Closters leute, die uff unser unnd des Reichs walde umb holcz faren hinfur nicht schaczen noch bekummern sollen in deheinerley weisz, Sunder sy sollen dorynne faren sicher frey
unnd von den Burggrauen oder Amptleuten zu weissenstein unnd Tierspein unnd meniglichs von Iren wegen ungehindert, als offt sy wollen unnd In das nott geschiht unnd als sie dann das von langem her von
unsern vorfarn, Romischen keysern unnd kunigen gefreyet sein, Ouch seczen unnd wollen wir Das kein Burggraff zum Ellenbogen unnd andere die dorumb gelegen sein die gotszhusz leute unnd sunderlich die In den
Schoszwenn gesessen hinfur mit keinen dinsten noch fure wider Iren willen besweren noch bekummern sollen In deheinerley weise anders dann von alters herkomen ist, Ouch seczen unnd wollen wir, Dasz
sy keinn fure dinsten unnd unnd auch der stat Eger zuthun hinfur wider Iren willen nit beswert werden sollen, Dem keis nimm geschiht unnd der stadt zu Eger, an Iren dinsten unnd griffen, als dann das von alters
herkomen unnd gewonheit ist, Deszgleichen plenen sy nit stros furen uff dem som mit irrer beswerung, dann alszvil das ouch von alters herkomen unnd gewonheit ist, Ouch als sy etlich acker vortzeiten
verkaufft haben umb grosser schulde wegen, dorynne sy dann komen waren, Als haben wir In von unsern sundern gnaden gegunnet unnd erlaubet, gunnen unnd erlauben mit disem brieff Dasz sy andere unnd
alszvil acker an stadt derselben widerumb kauffen mogen on meniglichs eintrag und widerpsprechen, Ouch als sy die gegendt Schoszwenn mit Iren zinsen unnd pliczeicht, das sy alle nutzlichen gefunden
hant unnd das sy In gewonlicher gewer besessen hant unnd noch besiczen unnd Inne haben, Als geben wir In diesell gegendt von Newes unnd seczen unnd wollen das sy die hinfur Innehaben, der gebruchen sollen
unnd mugen von allermeniglich ungehindert, Unnd uff das sy hiebey von meniglich unbeswert bliben mogen, Haben wir sy ouch alle unnd Iglichs Irs hutt gutere unnd habe unnd dann die genant, oder wie die
gesessen oder gelegen sind In unsern unnd des Reichs sunderlichen schirm gnediglich genomen und entpfangen, nemen unnd entpfahen sy ouch dorynne von Romischer keyserlicher macht In crafft disz brieffs
Wir haben ouch doryn dem obgenanten Ebtissin Convent unnd Closter, alle unnd iglichs Ire gnade freyheit Recht brive privilegia unnd hantfesten die In von Romischen keysern unnd kunigen unsern vorfarn Ouch
den Ercz zu Beheim unnd andern herren fursten gegeben sind, unnd ouch Ire lobsich unnd gute gewonheit, die sy endlich herbracht hant gnediglich vernewet und bestetigt vernewen und bestetigen die
ouch in crafft disz brieffs von Romischer keyserlicher macht, wissentlich unnd meynen seczen unnd wollen, das die hinfurmer crafft haben unnd da bi bliben unnd das sy der ouch an allen enden gebruchen unnd
geniessen sollen und mogen, seligerczeist, als ob die alle von wortte zu wortte in disem gegenwertigen brive geschrieben stunden, Unnd wir gebieten darumb allen unnd iglichen fursten Geistlichen unnd
werntlichen Grauen freyen Rittern knechten Burggrauen vogten Amptleuten Landrichtern Richtern Burgermeistern Reten unnd gemeinden, unnd sunst allen andern unsern und des Reichs, und unser kunigkreich
zu Beheim undertanen und getrewen von Romischer keyserlicher macht ernstlich und uestiglich mit dissem brieffe, das sy die vorgenant Ebtissin Convent unnd Closter sant Claren zu Eger an den vorgescriben
gnaden freyheiten begabung Rechten briven privilegien gewonheiten gutem gewonheiten und unser bestetigung nicht hindern oder Irren In deheinerweisz Sunder sy dabey gerulig hantgaben schirmen unnd
schirmen unnd geczulichen bliben lassen, Als lieb In unnd des Reichs hulde sey unnd swere ungnade zumeiden, Mit urkund disz brieffs versigelt mit unser keyserlichen Maiestat Insigel, Geben zu Eger Nach
Christi gepurde vierczehenhundert Iar und dornach Im Sibenunddreissigistem Iare Am negsten freitag nach sandt peters tag ad vincula Unser Reich des Hungrischen In dem Einundfunffczigisten, des Romischen
Im Sibenundczwainczigisten, des Behemischen Im achtzigenden unnd des keyserthumbs Im funfften Iaren, Ad Mandatu(m) d(omi)ni Imp(erato)ris, d(ominus) Caspar Slik Can(cellarius) recogn(ovit), Heinricus Hecht.
Wir Georg Abbt zu waldsassen Ordens von Citel Regenspurger bistumbs bekennen offenlichen, an dem vidimus wann wir den hauptbrieff diser obgeschriben
abschrifft an keyserlichem anhangenden Insigel, pergamen, und geschriefft, tuchtig, ungeseert, unbeslet, mackel, und tadel frey, gesehen, mit vleisz beschaict,
neben der abschrifft verhort, unnd das derselbig hauptbrieff In allen puncten, stucken und artickeln von wort zu wort von diser gegenwertige abschrifft, auszweist,
In Im hat, niczts darau(s) verwandelt, darion gethan, ader darczu gesaczt, da durch der sin der verstentlichkeit verendert, ader verkeret ist, erfunden haben, So haben wir
zu urkundt, disz vidimus, mit unser Closters herenden anhangenden Insigel besigelt, unnd desz, unnserm Stifft, unnd Insigel on schaden, Bescheen und gegeben,
Zu waldsassen freytags nach dem Sontage Quasimodogeniti Nach Christi unsers lieben herrn geburt funfftzehenhundert unnd Im vierunddreissigisten Iaren.