ICh Nicklas Püchel zu Vnderhigosreuth vnnd ich Margaretha sein tochter Bastiann Mengerßers säeligen witfraw Be=
kennen fur vns vnser Erben vnnd Erbnehemen Offenlich an diesem Brieff gein menigclich Das wir mitt guttem willen
vnnd rechtem wissen / genenttes vnsers Aidems vnnd haußwirts verlaßne herbrig hinder Sannt Claren Stifft zu Eger
vnnd Zligweißigem Zwaienn stüchlichen inn seinen Rainen vnnd Stainen gelegen Zinnst Järlicher Egerischer
Zienn neüff korn neün neüff haber Zwelff groschen / ain Stenggrosch Zwen kes Zwen hennenn / Zwanzig aier vnd fünff
grosch Margarets Sannt nitt grunt boden ein vnnd Zugehörung wie es der Mengerßer gebraucht vnnd innegchabt nichts
ausgenummen / Habenn recht redlich vnnd Erblichen Pettern Müller zu Vnderhigosreuth allen seinen Erben vnd Erbnehemen vmb
aine summa geldes der wir von ime barüber vnnd woll zu danng bezalt wordenn sein vnd ime der gantz quitt frey ledig vnd
los sagen Zu kauffenn geben vnd verkaufft des wir vns hieinn leütterlich vnd gentzlich verzeigenn / Gereden vnd geloben fur
vnns vnd vnser Erben Das wir noch niemant von vnsert wegen / genentten vnnserm abkauffer alle seine Erben vnd
Erbnehemen / Obengcdachter herbrig mitt seiner Zugehörung noch derselbigenn kauffsumma halben hinfür Zu ewigen
Zeitten nimmerner betaidigenn anlangen noch Zusprechen sollenn weder mitt noch an recht gantz in kainerlei weis wie Zuerdenck=
ken sein mocht / Sonndern gewehrenn Entwehrenn freien vnd ledigen wollenn als des Egrischenn Crais recht vnd gewonhait
ist Bey vnsern guttenn warenn treuenn an arg vnd geuerde / Des inn vrkunnt hab ich Nicklas Püchel vnd ich Margaretha
seine Tochter fur vnns vnd vnser Erben gebetn die Erbarn vnd wolweysenn herrn Nicklas köler vnnd Erasmus Cramer
des Raths Zu Eger das sie ire insigel iniren an schadenn ann diesenn brieff gehanngenn Der gebenn am abent Mat=
thianis Nach Christi geburt funfftzehenn hundert vnd im funfftzehesten Jare