Wir hernach beschriebene mit nahmen Lorenz und Bastian Crafte zu Schonnelind und Schonenberg gebrudere,
Linhart Kner zu Trepitz Margareth sein Hausfrau der baiden Crafte eheleibliche Schwester bekennen fur uns
alle unsere erben unnd nachkomen Offenlich an diesen brieff gen menniglich Das wir mit gutem willen
unnd rechtem wissen unsern veterlichen hoff zu undernreuth hinder Sant Clarenn Stifft zu Eger, mit hauß,
Lereugen garten unnd hofe glech gelegen mit grundt boden rechten nutzungen Zinsen Scharwergen unnd
abnutzungen wie es unsser vater und Schweher Inne gehabt nichts außgenommen haben recht redlich unnd
redlichen Bastian Kneren allen seinen erben und nachkomen umb aine Summa geldes der wir von Ime
baruber und wol zu dang bezalt worden sein und Inen gantz quit frei ledig unnd los sage zu kauffen geben
und verkaufft des wir uns beiderlichen verzeihen Bereden und geloben fur unns unser Hausfrauen und
erbenn das wir noch niemant vonn unsern wegen genanten unsern abkeuffer alle seine erben und nachkomen
berurtes Hoffs mit seiner zugehorung nach derselben kauffsumma halben hinfur zu ewigen zeitten
nimmermehr belaidigen anlangen noch zusprechen sollenn weder mit noch an recht In kainerlei weis
wie zuerdencken sein mochte Sonndern gewehren entwehren freyen und ledigen wollen als des Egrischenn
Crais recht unnd gewonnhait bei unsern rechten waren treuen an Arg unnd geverde Des Zu Ur
kunde habenn wir Lorenz Crafft unnd Linhart Kner personlichenn unnd Ich Bastian Crafft durch
meinen Schweher hansen gantzgraff fur uns unsser erbenn gebeten die erbaren und wolweisen herrenn
Erharten Werner Burgermeister unnd Georgen Mentzel des Ratts zu Eger das sie Ire Insigel Inen an
schaden an diesen brieff gehangen der geben am Sambstag nach Viti nach Chri(sti) geburt funffzehundert unnd
Im funffzigsten Jhare