Ich Bastian Prait zu Wotirha, bekenne fur mich alle mein Erben unnd Erbnamen offenlichen an diesen brief
fur menniglichen das Ich mit gutten willen unnd rechten wissen meinen Hoff zu wazkenreut, hinter
ainem Ernehesten Ratt der Statt Eger, zwischen Ruprecht unnd Peter Zainer gelegen, Zinst gemelten
meinen Hern acht fahr kraid, halb korn und halb haber, Zwo Hennen Zween kes, unnd ain halb
schog kais mit sampt ~Wodern~ In dorff Felden, und ain Ider In seinen Rain und stainen, wie Ichs bei
sammen gebraucht unnd Innen gehabt, nichts ausgenomen, hat recht redlich unnd Erblich Haimen
höfel, allenn seinen Erben unnd Erbnamen umb aine Summa geldes, der Ich von Ime darumben
unnd wol zu dang bezalt worden bin und Inen ganz Quit frei ledig unnd los sage, Zukauffen ge
lehen unnd verkaufft, des Ich mich genzlich unnd Lautterlich verzeihen, Abredt unnd gelobe fur
mich unnd alle meine Erben, Das wir nach menantt dem unnserm neigsten genanten
unnserm Abkauffer, alle seine Erben unnd Erbnamen bemelts Hoffs mit seinen Zugehorung
nach Derselben kauffsumma halben, hinfur Zur Ewigen Zeiten, nimmermehr befaidigen
anlangen noch Zusprechen sollen, weder mit noch an recht In kainerlai weis, wie Zuer
denckhen sein mochte, Sonndern gewehren Entweren schirmen unnd ledigen wellen,
Als des Egerischen wais recht unnd gewonhaitt, bei meinen rechten waren trewen,
ane Arg Und geverde Des zu urkund hab Ich Bastian Praitt fur mich unnd alle meine
Erben, gebeten die Ernehesten und weisweisten, Herrn Nicklas fischers unnd Erhart aeren,
Her Burgermeister Zur Eger, das sie Ire Insigel Inen an schadn an diesen Brieff gehangen
Der geben am freitag nach walentini, nach Chri(sti) geburt funfftzehnhundert und Im Zwaieund
funfftzigistem Jhare