Ich Jacob Sorger von Treuntz als Principal vnnd Selbschuldt, Dan Thoma Reinl, Bastel Reinl,
Peter Sorgner vnnd Lorentz Hitzig, alle vonn Hatzkenreuth, Thoma Rupprecht, Christoff Waidt, Lorentz Weyer, Fabian Hainck, vnd Peter Holck alle zue
Waldtsassen, Hannß vnnd Erhardt die Vieser gebrüedere zue Rinnengrün, Mertten Holtzsch vonn Dürrschenreuth, Mathes Hainck zue Meilern, Mathes Wüffendt
vonn Eger, Thoma Lück vonn Vogen, Georg Haberstumpff, Hannß Marggraff, Jacob Marggraff, vnnd Christoff Preißer alle vonn Treuntz, vnnd Jacob Vieser
vonn Eger, Als Obgedachter Jacob Sorgner zue Treuntz Creditores vnnd glaubiger, Vor vns vnnd vnsere nachkömlinge, thuen allenn vnnd iedenn
Erben vnnd Erbnehmen, Das wir an disem brieff gegenn mennigclichen, bekhennen vnnd thun khundt, Demnach ich obgenandter Jacob Sorgner durch
zugestandenn Vnfell in wichtigenn Schuldenn khomen, daß ich mein Schuldenn nicht zubezalenn vermag, Vnnd alß Ihr Ehrsamen vnnd
glaubiger, Vor ein Ersamen vnnd hochweisen Rath der Stat Eger, Vnsere günstigen vnnd gebietenden herren vnnd Oberkheitenn vmb vnsere
vnnd clagenn, ich alß Principal Selbschuldt zubezalenn, mein Guet zue Treuntz Cedirt abgetrettenn vnnd vbergebenn, Inen auch solchs vonn ein Ersamen
vnnd hochweisen Rath daselbstenn adiudicirt, Vnnd ein iedenn nach dem andernn bezalt werdenn solle, erkhandt wordenn, Daß hierauff
Ich obgedachter Sorgner Vnnd wir obvermelte glaubiger, mit guetenn willenn vnnd rechtem wissenn, Eindrechtiglich vnsern Guet zue Treuntz Er
verkhauffen, Vnnd Ehrsamen Marggraffenn Hoffenn daselbstenn Inen gelegenn, Iren Erben vnnd Nachkhomen, allenn Rechtenn gerechtigkheitenn nutzung
Zuehör dem Zehendt vnnd stetigenn lossung ledig vnnd frey, mit grundt bodenn Wisen, holtzenn, Wainen, Waiden, allenn Rechtenn gerechtigkheitenn nutzung
frei vnnd zugehörig allermassenn, Wie Inen obgedachter Sorgner, Vnnd wir die glaubiger nach rechtem abtrettung, solches Inen gehabt genützt genossenn vnnd
gebraucht, nichts außgenomenn, Habenn Recht vnnd Redlich, Dem Ersamen Christoff Preißern zue Treuntz, Allenn seinen Erben vnnd Erbneh
men, Vmb ein benandte Summa gelts, der wir vns zue danckh vnnd wol zue danckh, Auch inhalt eins Ersamen vnnd hochweisenn Raths der
Stat Eger ergangenn Beschaidts, bezalt vnnd entricht wordenn seindt, Darumbenn wir Ine vmb sein Erben vnnd Erbnehmen daruon
genn Quittirenn, hiemit thun Quittirenn, Wir haissenn gebenn vnnd verkhaufft, Dassenn so wir allenn vnnd Iedenn Vnsere an disem hoff gehabt
tenn gerechtigkheit, vnnd der Kauffsumma, wie alle kauffschilling, vnnd Ieder insonderhait, Vor vns vnnd vnsere Erben, treulich vnnd vnuerweißlich
thun verhaissenn, Iemassenn wir Inen daselbst vnnd sein Erben, in alle zugehörigkheit, Hoff, dero grundt vnnd bodenn, auch alle darzue gelegenn
Zuehörig, nichts außgenomenn, Possess vnnd nutzwiessentlich thun einsetzen, Vnnd thun als Vorgehendt glaubiger vnnd mit Consorten, auch vnsere Erben
Erben, dasselbig nunmehr nach erlangter bezalung bester Recht form außthun, Werdenn vnnd gelobenn hierauff, wir Obgedachter Jacob Sorg
ner als Principal vnnd Selbschuldt, Sampt auch Ime obgedachter glaubiger, Vor vns alle vnsere Erben vnnd Erbnehmen, Das wir nochiemandt
Vonn Vnsert wegen, Einichem Vnsere obgedachten Christoff Preißern, Alle sein Erben vnnd Erbnehmen, Vmb dises Hoff, derselben zugehörig
Kauffsumma, grundt vnnd bodenn, Erbaren Wisen nutzung vnnd zugehörig, noch ander derselben hinfüro zue Ewigenn Zeittenn nimmer mehr besche
digenn anlangenn noch besprechenn sollenn noch wöllenn, Sunder mit noch ohn Recht gantz in khainerley weiß noch wege, wie Imer zue erdenckhenn sein
möcht, Vnderein gewesenn entheußern freyenn vnnd ledigenn machen, als des Egerischenn Craiß Recht vnnd gewonheit ist, Bey Vnsere wahren treuenn
Vnnd glaubenn ohn geferde, Zue Vrkundt hab ich obvermelter Jacob Sorgner als Principal vnnd Selbschuldt, Dan wir obgemelte Sorgnerische glaubiger
Vor vns alle vnsere Erben vnnd Erbnehmen, mit sonderem vleiß erbettenn, Die Erbaren vnnd Weisen, herren, Burgermeister, Vnnd Raths der Stat
Eger, vmb das Sigill der Stat Eger, Das sie Iren Insigl, Das Inen ohn schadenn, zugezaichnet an disem brieff habenn gehangenn, Beschehenn Eger,
am Zwaintzigistenn Monatt Tag May, Nach Christi geburth getzelt, Im Fünfftzehenhundert Vnnd Im Vier vnnd Achtzigistenn Iare.