Jch Erhart Ecke Burger vnnd Schreiner Jnn Eger, Bekenne vor mich, Catharina meine Ehewirtin, beede vnsere Erben vnd
Erbnemen, Offentlich an disem brief gegenn menniglich, Das ich mich mit gutem willen vnnd Rathem wissen
mit dem Erbeisamen Hanns Marggraffenn, Endres Hamerchmidt vnnd Georgenn Haberkornn, allen Zur Kemnitz
als gedachter meiner Ehewirtin geordentenn Testament Vormundern, Wegenn ernandter meiner Ehewirtin vonn Wei=
landt Steffann Mühlfeter Zur Kemnitz, Jrem lieben Anherrn seligenn, in dero hinderlassenn Testament Codicillenn vnnd
gestifftenn Anherlichenn Erbthaiel, guetlichenn geainigt vnnd vertragenn habe, Also das sie mir darumbenn vnnd darfür, mein
gantz volkomenn gnüg vnnd bahre bezalung Zue mein sichern handenn gemacht vnnd gethann habenn, Deshalben Jhe=
ne dann oder wer sonsten darungenn ginttins noturfftig, ich hiemit vor mich vnnd meine Ehewirtin, gantz quit frey ledig vnnd los
sage, vnnd thue mich dessenn allenn gantzlich vnnd laiderlichenn verzeihann, Berede vnnd gelobe hierauf vor mich Jnn=
leibte meine Ehewirtin, beede vnsere Erben vnnd Erbnemenn, Das wir noch niemandt vonn vnsertwegenn, Ernandter meiner
Ehewirtin geordente Testament Vormundern, alle Jre Erben vnnd Erbnemenn, Desterweils meiner Ehewirtin, vonn weilandt Er=
nandtem Steffann Mühlfeter Jrem lieben Anherrn seligenn, Jnn dero hinderlassenn Testament Codicillenn vnnd gestifftenn
Anherlichenn Erbthaiel, noch anders desshalbn, vmb clain guet wenig oder vil, hinfüro Zue künfftigen Zeittenn nimmer mehr beschaidigen
Anlangenn noch besprechenn sollenn noch wellenn, sonder vns noch ohn clagt gantz disserierlich innb noch wege, wie Jmmer Zue erdenckhenn
sein möcht, Sonndern alle arglist vnnd kaine vrsachenn funde, hiemit itzo als dann vnnd dann als itzo gantzlich außgeschlossenn vnnd ver=
meidenn sein soll, Bey meinem wahren trauenn vnnd glaubenn ohn geuerde, Zue vrkhundt hab ich obgedachter Erhart Ecke vor mich
Jnnleibte meine Ehewirtin, beede vnsere Erben vnnd Erbnemenn, mit sonderm vleis gebettenn, Die Erbarn vnnd Weisen
Hanns waßnußenn Richter, vnnd Hanns Endres Wlaint, beede des Raths hie, Das sie Jre Jnsigel, Doch Jnen ohn schadenn,
Zugezeignus an disenn brief anhangendt gedruckht, Gescheen vnnd gebenn denn Dreissigistenn Monattstag Octobris, Nach Christi
vnsers herrn Erlösers vnnd seligmachers geburtt, Jm Fünfftzehenhundert Neun vnnd Achtzigistenn Jare