Zuvermerckhen sey hiemit Jedermenniglichen, das
heüt dato, Jnn gegenwartt der Erbarn vnnd vor=
sichtigen, Endresen Kreyens Tuchscherrers Bürgers
zur Eger, vnnd Adam Johanneß zur Oberlohma,
ein Redlich, Aufrichtig, bestendig, vnnd Zum Ewig
vnwiderrüfflichen Khäuff nachuolgender maßen ist
abgeredt vnnd beschloßen worden,
Das der vorsichtig Adam Johanneß daselbst Zur Oberlohma,
für sich vnnd seine Erben, Auß Jero bestenn nutz
vnnd frommen willen, seine Zween Teüch, Zwischen
Oberlohma vnnd Trepitz ob der Aü gelegen, welche
hiebeuorn Zur seeligen Zeitt bewohnten Gott, dem
hernach benanten Erwürdigen Stifft Sanct
Clara Zue Eger vnnd vnter Egerig, gehörig gewesenn,
mit denselben grunde, Poden, wasser, wasser=
flüßen, Zue vnnd abgängen, wegen, weiden, rechten,
gerechtigkeiten, nutzungen, Ein vnnd Zuegehörung=
en, Aller maßen wie er solche biß hero Jnnge=
habt genützt vnnd gebraucht,
Denen Erwürdigen Andechtigen vnnd Erntugent=
reichen Jungfrauen Vrsula Helmin, Anna Kagerin
Meisterin, Anna Tischerin Priorin vnnd einem
Äbtißin.