Ich Appolonia Weylandt Herrn Magister Johann Volckamers gewesenen Rectorj allhie, Seeligen nachgelassne
Wittib, Bekenne hiemit Vor mich alle meine Erben Vnd Erbnehmere offentlich In diesem Brieff gegen Jedermenniglich, das ich mit guettem
Willen vnnd rechten Wissen, Ein stuckh Von meines gartten, Zwischen Eines Ehrwürdigen Cönnents Zu St: Claren, vnnd meines darneben
habendes gartten gelegen, Welcher ausser schuldiger loßung vnnd frei ist, Mit grundt, poden, rain vnd Steinen, allen rechten, gerechtig
keitten, Nuzung ein vnnd Zugehörung, allermassen wie ich solches stuckh Jmmer gehabt, genuzt genossen, Vnd gebraucht, nichts aus
genommen, habe recht vnd redlich der Ehrwürdigen vnnd andechtigen Jungfrawen Katharina Rindtsin abteßin, Vnd einem ganzen Cön
uent des Stiffts vnnd Jungfrawen closters St: Claren allhie Zu Eger, Vnd allen denen Nachkommen, Vmb eine genante Summa
gelts, deren ich Von jhnen bahr ehrn vnd wol, Zu guettem danckh entricht Vnd bezahlt worden bin, darumben ich gemeltes in
Ehrwürdig ganz Cönnent vnnd dero Nachkommen, oder wer sonsten deßwegen quittirens Nottürfftig, hiemit thue quittirn
Verkaufft Vnd Zu kauffen geben, vnnd mich deßen genzlich vnnd laut derlichen Verzeihen thue, Gerede vnd gelobe auch hierauff
für mich, alle meine Erben Vnd Erbnehmere, das weder wir noch Jemandt Von Vnsertwegen hochgenanter abteßin, oder eines
ganzen Ehrwürdigen Cönnent Vnd dero Nachkommen, obbenanntes meines Verlassenes Vnd Verkaufften stuckh gartens,
derselben kauffsumma grundt Vnd poden, Noch anders deßhalber hinfüro Zu ewigen Zeiten nimmermehr beschaidigen,
Zudrengen, noch besprechen sollen oder wollen, Weder mit noch ohne recht, ganz in kainerley Weiß noch wege, wie Jmmer
Zuedencken sein mag, Sondern gewehren, endtrichten ledigen Vnd lediges denselben, alle bey der Erbarn Statt Eger, gewohn
hafft Vnd herkommen ist, Bei meinen rechten treuen Vnd glauben, ohne geuerde, Zu Vrkundt hab ich eingangs
genante Apolonia Volckamerin für mich, alle meine Erben Vnd Erbnehmere, mit fleiß gebetten, Die Ehrnueste Vnd
Wolweise herrn hanns Georg Meindl Vnd Christoffen Steiger beide des Raths der Statt Eger, das sie jhre Jnn
sigl, Jedes jhme ohne schaden Zu gezeugnuß an diesen Brieff anhangendt vffgetruckht, der geben ist den Vierdten
Augustj Jm Sechzehenhundert Vnd Neundten Jahr