Vniuersis xp(ist)i fidelibus presentem litteram inspecturis Rogatus Seuerinen(sis) . Martinus Surrentin(us) . Adam gartoren(sis) . franciscus Ciuacen(sis) . Stephanus oppiten(sis) . Leonardus
Esinus . Manfredus sancti marci . Sabba Miletin(sis) . Andreas Liden(sis) . Ruopert(us) calinen(sis) . Bonifacius Parentinus . Cyprianus Bouen(sis) . Jacobus Treuentinus . Berronus
Larinen(sis) . Guilhelmus Callen(sis) . franciscus fanen(sis) . Aymardus Lucerin(sis) . Emanuel Cremon(sis) et paulus Melfien(sis) dei gr(ati)a Archiep(iscop)i et Ep(iscop)i Salutem in domino sempiternam .
Licet is de cuius munere uenit ut sibi a suis digne ac laudabiliter seruiatur . de habundancia pietatis sue merita supplicum excedens et uota bene seruientibus multo maiora
tribuat quam ualeant promereri . Desiderantes tamen reddere domino populum acceptabilem fideles xp(ist)i ad conplacendum ei quasi quibusdam allectiuis muneribus . indulgenciis uidelicet
et remissionibus inuitamus . Cupientes igitur ut eccl(esi)a Dezderasien(sis) p(ro)pe muros ciuitatis pragen(sis) sita inmediate p(er)tinens dominico sepulcro salutar(i) congruis honoribus frequentet(ur)
et a cunctis xp(ist)i fidelib(us) iugiter ueneretur Omnib(us) uere penitentib(us) et confessis . qui ad ipsam eccl(esi)am in festiuitatibus subscriptis uidelicet . Natiuitatis et Epiphanie domini Parasceue
et Resurrexionis . Ascensionis et penthecostes Quatuor festiuitatib(us) b(ea)te et gloriose uirginis Marie scilicet . Natiuitatis purificacionis annunciacionis (et) assumpcionis . festo patronor(um) scilicet
petri et pauli ap(osto)lor(um) . ac Joh(ann)is baptiste (et) dedicac(i)o(n)e ipsius eccl(esi)e . festo Omnium s(an)c(t)or(um) . Comemorac(i)o(n)e fidelium animar(um) . ac per octauas om(n)i(u)m festiuitatum p(re)dictar(um) . festis . b(ea)tor(um) augustini blasij
adalberti . Stanizlai laurencij . (et) s(an)c(t)ar(um) Marie magdalene katherine . margarete agnetis . et Elizabet necnon sing(u)lis dieb(us) ap(osto)lor(um) Quadragesime (et) dominicis causa deuocionis accesserint . uel
ad structuram seu fabricam luminaria ornamenta aut alia ipsius eccl(esi)e nec(ess)aria manus porrexerint adiutrices . uel confraternitati ibidem sub annuo censu recepti . aut in extremis
laborantes . a sepulturam in eadem eccl(esi)a elegerint uel anniu(er)saria sua obitus in ip(s)a p(er)petuo celebranda statui p(ro)curauerint seu quicquam facultatum suar(um) legauerint Eccl(esi)e
legauerint prelibate . ipsam ue uerbo uel facto (con)silio auxilio uel fauore publice uel occulte licite et honeste dux(er)int promouendam . Nos de omnipotentis dei mi(sericordi)a (et) beator(um)
petri (et) pauli ap(osto)lor(um) eius auctoritate confisi sing(u)li sing(u)lis sing(u)las dies Quadragenas de iniunctis eis penitenciis dumodo consensus diocesani ad id accesserit misericordit(er)
in domino relaxamus . Datum Rome cum appensione Sigillor(um) n(ost)ror(um) sing(u)lor(um) in p(re)missor(um) euidenciam anno d(omi)ni Millesimo ducentesimo . Nonagesimo Quinto . Pontificat(us)
domini pape Bonifacij Octaui Anno primo .
Nos u(er)o Thobias dei gr(ati)a pragen(sis) Ep(iscopu)s has Indulgencias Ratas (et) gratas habentes Auctoritate qua fungimur confirmamus xl. dies hui(us)modi remissionis gr(ati)a Auctoritatis n(ost)re eisdem Indulgenciis fauorabilit(er) in d(omi)no
Annectentes . testimonio huius scripti . Datum prage . Anno d(omi)ni M(illesim)o ducent(esimo) Nonag(esimo) . v(to) . Indicc(i)o(n)e . ix . Pontificatus u(er)o n(ost)ri Anno . p(ri)mo . Nos u(er)o Conradus d(e)i gr(ati)a Olomucen(sis) ep(iscopu)s has in dulgencias Ratas (et) gratas habentes Auctoritate qua fungimur
Idem (con)firmam(us) xl dies n(ost)re indulgencie fauorabilit(er) Apponentes .