Ich her Vlreich genant von dem Bor. Sgich offenleich an disem p(ri)ef vn(d) tvn chvnt allen
den di in sehent od(er) hozen lesen. Daz ich Johan vn(d) Hainreich etzwen dez Hainreichs er
ben vn(d) chinden gelazen han vn(d) v(er)chauft meinen halben hof zu Dvcaw mit allem daz
dar zu gehort daz ist das ander halftail dez hofes. den vrow Swendel auch von mir
gechauft hat vn(d) in(n)e hat In sulcher beschaiden alle jar als dez Cins recht ist an
sand Geory tag sullen si mir geben vn(d) gelan fvnfzehe(n) grozz p(ra)ger pfennig vn(d) iiij.
grossen. vn(d) auf sant Gallen tag als vil. Vn(d) fur Roboten vn(d) fur and(er)n chlaine(n) dinst
vierdhalben grossen. ain drey haller. Vn(d) auch ob chain losung od(er) vngelt vf ir half
tail dez hof geleit wird waz dem des walthers halb hof zu nest in trag od(er)
geb als vil schulle(n) si an irem tail tragen geben vn(d) gelten mir vn(d) meiner aft(er)
chvmft. vn(d) ob di egenante(n) Johan vn(d) Hainreich ab giengen so schol ir halber hof
mit allem daz dar zu gehort erben vf irev chint vn(d) ir aft(er)chumft habe(n) di selben
recht. Vnd di weil si leben mugen si schaffen wen frum vn(d) wen nucz ze halten
ze besiczen. ze v(er)seczen. ze v(er)chauffen. daz selb halben tail dez hofes. in dem rechte als si iz
gehabt haben daz ist mit chaufrecht vn(d) nach de(m) recht d(er) stat. Ich wil auch wer di
sen p(ri)ef in(n)en hat vn(d) beweiset in sein gewalt von d(er) oben genaten chind wege.
di sullen alle recht haben ze gleicher weiz als si selbe vn(d) ich gelob pei meinen treu
(e)n vn(d) di di disen zauge od(er) in(n)e haben Ewichlich bestriden vnd bestimme(n) vn(d) stet be
halten als daz hie geschriben stet. gar vn(d) gancz. an alle arg list. Der handlug sint
zeug. Rvhart d(er) Haselpech. vn(d) Gotfrid d(er) Pami(n) purg(er) ze Bchuechofen. Vnd zu eine(r)
waren vesten vrchu(n)d gib ich disen p(ri)ef mit meinem Insgel v(er)sigelt. vn(d) mit dez
obengenante(n) Rvhartes Insgel. Daz ist geschehen do man zalt von christes gepurt
Dreyzchenhund(er)t jar dar nach in dem aine(n) vn(d) dreyzigisten jar an sand Jaacobs
tag dez zwelfpoten