WIr SIgmund von gotes gnaden Romischer kunig zuallencziten merer des Richs vnd zu Hungern Dalmacien Croacien (et)c(etera) kunig Bekennen vnd tun kunt offenbar
mit disem brieff allen den die In sehen oder horen lesen Das fur vns komen ist der Ersame Benedictus Probst czu Ingelnheim vnser obirster Almusner Capplan vnd lieber Andechtiger vnd hat vns
demuticlich gebeten das wir Im vnd sinem closter zu Ingelnheim vnsers lieben Bruders kunig Wenczlawes briefe zubestetigen gnediclich geruchten der selbe briefe lute sind begriffen ist also Wir wencz
law von gotes gnaden Romischer kunig zu allencziten merer des Richs vnd kunig zu Behem Bekennen vnd tun kunt offenlichen mit disem brieue allen den die In sehen oder horen lesen Wann Peter erweyn
Gotten Sune zu Iungen Burger zu Mentze vnser vnd des Richs lieber getruwer soliche czwey fuder weines vnd was er rechtes doran gehabt hat die er vff dem Probste vnd Conuente der Tumherren
zu Ingelheim Ierlichen gehabt hat fur sich sine Erben vnd nachkomen lediclichen in vnsere hende vffgegeben vnd vns mit demutigem fleisse gebeten hat das wir dieselben czwey fuder weines demselben
Probste vnd Conuente des closters vnd Tumherren zu Ingelheim vnd Iren nachkomen ewiclichen geben eygen zu fugen vnd zueigen gnediclichen geruchte Des haben wir Gote zu lobe vnd sun
derlichen durch vnsers vaters seligen keiser karles vnd kuniges zu Behem der dasselbe closter von nuwes gestiftet hat vnd ouch vnser selen selikeit willen mit wolbedachtem mute gutem Rate vnd recht
wissen die egen(anten) czwey fuder weines denselben probst Tumherren conuente vnd dem closter zu Ingelheim vnd Iren nachkome ewiclichen gegeben geeygent zufugt vnd zugeeigent geben eygen zufuge
vnd zu eige(n) In die in krafft disz brieffs vnd Romischer kuniglicher macht Also das sie dieselben czwey fuder weines furbasmer ewiclichen haben behalten nutzen vnd der gebruchen an allermenniclich
hindernisse Vnd gebieten dorumb allen fursten Geistlichen vnd wertlichen Graffen freyen herren dinstluten Rittern vnd knechten Amptlute Burgermeistern Reten vnd Burgen gemeinlichen der Stat
Mentze vnd vnsere vnd allen andern vnsern vnd des Richs getruwen vnd vnderzane ernstlichen vnd vestaclichen mit disem briefe das sy die egenan(ten) Probste Tumherren Conuente vnd das closter
zu Ingelheim vnd Ire nachkomen an den egenan(ten) czwey fuder weines nicht hindern noch Irren in deheineis Sunder sy do by von vnsern vnd des Richs wegen ewiclichen behalten schutze vnd
schirmen Als lieb In sy vnser vnd des Richs swere vngnade zuuermeiden Mit vrkunt disz brieffs versigelt mit vnser kuniglichen Maiestat Insigel Geben zu frankenfurt nach cristes geburt
dryczenhundert Iare vnd dornoch in dem Acht vnd newnczigisten Iaren des Sontages nach Sant peters tage vnser Riche des Behemischen in dem Sechsunddrissigisten vnd des Romischen in dem
czweyvndczweinczigisten Iaren Des haben wir angesehen soliche demutige bete vnd ouch getrue vnd flissige dienste die vns derselbe Benedictus mit dem das er mit vns durch Arragon frankrich
vnd Engelland vnd ander fil lande vnd ende getzogen ist getan hat vnd ouch dasselb closter zu Ingelheim von Romischen keisern vnd kunigen vnd nemlich von vnserm vatter seliger gedechtnisse keiser karl
gestifft erhebt vnd loblich begnadet begabt vnd gefriet ist Dorumb mit wolbedachtem mute gutem Rate haben wir demselben Probst vnd closter zu Ingelnheim den obgeschribenn brieff als er von
worte zu worte begriffen ist gnediclich bestetigt vnd bestetige In den ouch in krafft disz brieffs Wann wir nu sunderliche gnad zu demselben Probst vnd closter zu Ingelnheim tragen vnd ouch durch
desselben probst true willen dasselbe closter also gern wolden versorgen das es furbasz aller Infele die In von yemandt ersteen mochten vberhaben weren vnd des willen wir hoffen das alles das wir
Iren gutes geistlichn luten zu nutz bringen das vns das fur das genklich gut in das ewig von dem Almechtigen gote gekert wirt Vnd wann nu soliche czwey fuder weins die Peter frosch zum
Iungen von dem Probst vnd closter zu Ingelnheim Ierlich gehabt vnd nach vnsers Bruders briefe lute denselben Probste conuent vnd closter alszann lediclich vffgegeben hat des heiligen Romische
Richs lehen sind vnd die selben fuder wins als wir vernemen weder von vnsern vorfarn an dem Riche noch ouch von vns in langer tzijte nicht empfangen sind vnd vmb des willen vns vnd
dem Riche dieselben czwey fuder wins ouch ledig worden vnd verfallen sind Dorumb angesehen das wir lon von dem Almechtigen gote dorub hoffen zuhaben vnd ouch betracht die egen(anten)
Probst merkliche dinst true vnd andacht Haben wir Im vnd sinem closter zu Ingelnheim dieselben czwey fuder wins mit gutem Rate rechter wissen vnd von Romischer kuniglicher macht lediglich
vnd nu furbasz fur ledig vnd nicht lehenper gut von nuwes gegeben vnd zugeeigent geben vnd zueigen In die ouch in krafft disz brieffs dieselben czwey fuder wins zuhalten vnd zulassen vnd dauon
weder den Egenan(ten) Peter frosch zum Iungen Iren Erben noch nyemand anders zuuerantwurten in deheinwisz Were es aber sache das derselb Peter frosch zum Iungen die selben czwey fuder wins
nach dem vnd er des Richs lehen sind in rechter tzijt von vnsern vorfarn an dem Riche oder von vns zulehen empfangen hette vnd er das mit brieffen oder guter vnd redlicher kuntschafft bewisen
mochte so sol In diser vnser briefe vnschedlich sin an sinen lehen Vnd gebieten dorumb allen fursten Geistlichen vnd wertlichen Graffen freyen herren dinstluten Rittern vnd knechten Ampt
luten Burgermeistern Reten vnd Burgen gemeinlich der Stat Mentze vnd vnsere vnd sust allen andern vnsern vnd des Richs vnderzane vnd getrue ernstlich vnd vestaclich mit disem
briefe das er die obgen(anten) Probste conuent vnd closter zu Ingelnheim vnd Ire nachkomen an den egen(anten) czwey fuder wins nicht hindern noch Irren in deheinwisz Sunder er da by von vnsern
vnd des Richs wegen ewiclich behalten schutzen vnd schirmen Als lieb In sy vnser vnd des Richs swere vngnade zuuermeide Mit vrkunt disz brieffs versigelt mit vnser kuniglichen Maiestat Insi
gel Geben zu costentz nach Cristes geburt Vierzchenhundert Iare vnd dornoch in dem Sibenczehenden Iar des nechsten Sampcztags vor Iudica in der vasten vnser Riche des Hungrischen (et)c(etera) in
dem drissigisten vnd des Romischen in dem Sibenden Iaren