Wir Wenczlaw von gots gnaden Romischer kunig zu allen czeiten merer des reichs vnd kunig zu Beheim Bekennen vnd tun kunt offenlich in disem brief allen den die yn sehen odir horen lesen Das
fur vns komen sein vnse lieben getrewen die schilter die vf vnsern czinnen in der newen stat gesessen sein vnd baten vns mit fleisse das wir in freyheit vnd brieff die yn von seliger
gedechtnisse ettwe(n)n von vns(er)m herren vnd vat(er) keyser karl gegeben sint / als die in dem brief der hernach geschriben stet volbegriffen sein steten beuesten vnd confirmiren gnediglich geruch
ten der von worte zu worte also lautet Wir karl von gots gnaden Romischer keyser zu allen czeiten merer des reichs vnd kunig zu Beheim Bekennen vnd tun kunt offenlich mit disem brief
allen den die yn sehen odir horen lesen Alleine wir von angebormer gute vnd vorsihtikeit besorget sein alle vnser getrewen gnedichlichen zubedenken doch meynen wir vff der gemach vnd
furfar sunderlich zusehen die vns vnser erblich vnd veterliche gute stete land vnd lewte in steter ganczen trewen vntadlicher bewaren vnd besorgen helfen des haben wir angesehen die steten
getrewen dinst die vns vnser schilter zu prage offt manchualt vnd getrewlichen beweiset haben vnd furbas tun sollen vnd mugen in kunftigen czeiten vnd haben yn dorumb alle die
nachgeschriben gnade getan vnd tun ouch mit disem brief als eyn kunig von Beheim von kuniglicher macht vnd mit rechter wissen das die egen(anten) schilter die vff vnsern czinnen
in der newenstat wonen odir in kunftigen czeiten wonen werden vnd alle ire diener vnd gesinde die teglichen ir brot essen sullen von aller stewer dinst talle vnd bete furbasmer
eczucleichen von vns allen vns(er)n erben vnd nachkomen kunigen zu Beheim frey ledig vnd los sein ausgenomen alleyne ob wir vnser erben vnd nachkomen kunige zu Beheim sulche chrift
not angen wurde das wir drey derselben schilter vns(er)m ledimsen swerden wenn sie denn von vns oder vns(er)m marschalk d(er)czu dinst geuordert werden so sullen sie vns mit irem
dinst gewert vnd gehorsam sein nach iren staten vnd vermugen Auch haben wir yn die gnade getan wo sie die vinden die sie hindern odir irren an irer narunge in allen steten zu
prage vnd vorholen arbeyten schiltwerk vnd sich anemen geistlich maler vnd mit yn nicht teylen leyden das sie denn swenn ir vorholen arbeyt vnd wo sie ouch in vns(er)n steten vf den
merkten zu prage das sie das mit hilfe des Richters in der stat wo sie das vinden nemen odir ir knecht vnd diener die das schiltwerk mit yn mit der hant arbeyten Welch schilter
ouch von fremden steten gen prage komet odir geczihet wirt vnd sich vf eynen czinnen in der newenstat seczen wil zu meister der sol an vier wochen mit seim selbes hant machen
eynen ganczen steth geczowge eynen satel eynen topf eyn prustleder vnd eynen schilt das sol er legen fur die meister zubeschaun vnd ist das gut vnd gerecht so sol man yn
von eynem eyngeben vnd antwurten noch vnsern gnaden Wer ouch das eyn meister der vf eynen czinnen gesessen wer hin weg fur von prage an der ander meister wissen
vnd an not vnd sich seczet andernenden zu arbeyten vnd zu meister vnd dornach widerqwem vnd wolt wider zu prage eyn meister sein als vor der sol die meisterschafft gewin
nen als eyn fremder meister vnd wer der ist der eynen czinnen innhät vnd doruff nicht siczet noch dorunder vnd erbeyt andernenden heymlich wo man sein werk vindet vf dem
markte oder in seiner werkstat anders denn vnder den czinnen es sey newe odir newe gemachet das sol vorloren sein es sey in dem Jarmarkt oder sust ob ouch eyn fremder meister
von fremden steten schiltwerk gen prage brenget vnd das vorkauffen wil es sey in dem Jarmarkt oder sust das sol er vorkeufen wo die gesessen schilter von prage ir schiltwerk vor
keuffen vnder den czinnen vnd nyrgent anders Auch gunnen vnd erlawben wir denselben schiltern das sie swert messer vnd harnasch tragen mugen als die Bogner darumb
das vnser stat vnd czinne desterbas bewaret werden yderman noch seinen staten vnd mugen Wer ouch schiltwerk erbeyt vnd eynen czinne innhät der sol sein arbeyt nyrgent
anderswo vorkauffen den vnder den czinnen vnd wo es anderswo gefunden wurde das sol vorloren sein vnd sol man yn das nemen als vor geschriben stet vnd sullen sich des die
meister vnderwinden vnd das an iren nucz keren Auch tun wir yn die gnade das eyn iglich schilter inleyten muge was er kan vnd mag dasselbe werk ouch vorkeuffen als schilt
werk in der mass als vorbegriffen ist ouch sol man vns tarczen vnd stechschilt machen vnd bereyten denn alleine die schilter Dorumb gebietn wir den Richtern den Burg
meistern den schepfen vnd den Raten gemeynlich der stete alten newen vnd kleynen zu prage vnd allen andern vnsern lieben getrewen das sie die egen(anten) schilter an den obgen(anten)
vnsern gnaden nicht hindn noch vbirfaren sullen in dheyeneweis sunder sie dobei von vnsern wegen getrewlichen suzen vnd behalten vnd wer dorwid(er) ichtes freuelichn tete der sol
<transcript stopped because model output began looping; manual review required>