Nos Busso de lucig Subcamer(arius) Boemie, Vlricus de Sylean, habardus de prostuchow et Benda de Wolfftein Recognoscimus
tenore presencium vniuersis, Quod cum honorabilis et Religiosus vir dominus petrus prepositus et Conuentus Monasterij Coteschouien(sis)
partem et porcionem bonorum et hereditatis cum Curijs, domibus, structuris, agris cultis et incultis, rubetis, siluis, pratis, pascuis,
aquis aquarumque decursibus et generaliter cum omnibus pertinencijs suis quibuscunque nominibus designari poterunt apud Hrachonem ami
cum meum in villa Sircz de speciali gracia, licencia et indulto Serenissimi principis ac domini mei domini Karoli Romanorum semp(er) au
gusti et Boemie Regis pro ducentis octuaginta sexaginta grossorum pragen(sium) denariorum, quas dicto Hrachoni in numerata pecunia plenarie
dederunt et persoluerunt, iusto empcionis titulo comparauerint et eidem ipsorum Monasterio perpetuo incorporauerint, sicut in Instrumento desuper
confecto lucidius continetur, promittimus insolidum bona nostra fide sine dolo malo quolibet dictam partem et porcionem bonorum et heredi
tatis sic vt prelatum comparatam et incorporatam ab omni impeticione, lite et controuersia iuxta Jura et consuetudinem Regni Boemie, d(omi)no
preposito, Conuentui et Monasterio predictis auctorizare, defendere et legitime disbrigare. Quod statim a tempore quo eis de premissis
uel de premissorum aliquo aliqua impeticio, lis uel controuersia mouetur, si per nos infra dies quatuordecim proxime sequentes disbri
gate, auctorizate et defense non fuerint, obstagium debitum et consuetum in Noua ciuitate pilznen(si) circa ydoneum hospitatorem, qui no
bis deputatus fuerit, in personis curie proprijs continue obseruare, nunquam abinde exituri donec lis, impeticio et controuersia huiusmodi
per nos declinate fuerint, extincte totaliter et sopite, et omnia dampna et expense, que uel quas ex inde in Judicio uel extra Judi
cium incurrerint uel fecerint, eis fuerint plenarie resartite. Harum quibus nostra Sigilla appensa sunt testimonio litterarum. Dat(um)
in Coteschow Anno domini Millesimo Trecentesimo Quinquagesimosecundo in vigilia sancti Andree ap(osto)li.