In nomine domini amen. Nos frater Heydenricus dictus Abbas in Sedlicz recognoscimus et tenore presencium
publice protestamur. Quod honorabilis vir magister Lapito doctor decretorum Archydyaconus chvrimen(sis) pra
gen(sis) ac wissegraden(sis) ecclesiarum canonicus. maturo prius consilio. ac ex conuentus nostri consensu vnanimi
a nobis et a nostro monasterio Sedlicen(si). villam dictam Langendorf. cum suis omnibus ex integro pertinenciis.
necnon cum suis iuribus vniuersis. Insuper et quatuor marcarum redditus cum aliis quibuscumque prouentibus quos in pre
locatis villa annis singulis censualiter recepimus et habuimus. pro ducentis et viginti quinque sexagenis grossorum dena
riorum pragen(sium) quos iam per nos receptos in vtilitatem nostri monasterii conuertimus. emit racionabiliter ac iure he
ditario comparauit. Quo facto dictam villam. ac quatuor marcarum redditus memoratos. cum suis pertinenciis qui
buscumque prefatus magister Lapito diuine retribucionis intuitu. ac pro remedio sue animeque saluti venerabili in christo
domine. domine. Sophie Abbatisse et conuentui sororum sanctimonialium monasterii gloriose virginis in valle sancte marie
dedit. ac liberaliter contulit et donauit ab ipsis perpetuo iure hereditario possidendos. Abrenunciamus autem in presentibus
omni iuri siue actioni quod vel que in predictis villis nobis aut nostris successoribus de iure competit quouis vel
de facto. In cuius rei testimonium nostrum sigillum presentibus est appensum. Nos vero frater Ioh(ann)es abbas in walc
sassen eodem tempore in Sedlicz nostra filia visitatoris officium exercentes predicte vendicioni. et donacioni. in
terfuimus et consensimus. et in huius facti euidenciam nos vna cum venerabilibus dominis Gerrico de ossek
et Conrado Aule regie coabbatibus nostris necnon cum honorabili viro magistro Lapitone predicto per quem facta
est bonorum supradictorum empcio et donacio legitima nostra sigilla presentibus ad robur perpetuum duximus
appendenda. Datum prage. Anno domini millesimo. ccc(o). xvj(o). xij(o). kalendas Iulij.