Maria dei gracia Regina Hungarie et Bohemie c(etera) Memorie commendamus
tenore presencium significan(tes) quibus expedit vniuersis Q(uod) nos tum ad instantem supplicacionem certor(um) fideliu(m)
n(ost)ror(um) nobis propterea factam tum vero ex sincero affectu et singulari deuocione nostra quam erga diua(m) dei
genitricem virginem Mariam sub cuius nomine Monasterium vallis S(an)cte Marie v(ir)ginis iuxta oppidum Brod
in metis Bohemie et Morauie Cistercien(sis) ordinis fundatum esse dinoscitur gerimus et habemus volentes
sc(ilic)et vt omnes Abbatisse et Sanctimoniales in eodem Monasterio pro tempore degentes presentes v(idelic)et et
future commodius et quiecius deo optimo inseruire possint. Easdem simulcum predicto Monasterio necno(n)
vniuersis Juribus possessionarijs et colonis rebusq(ue) et bonis ip(s)arum mobilibus et Jmmobilibus de co(n)sensu
et beneplacita voluntate Serenissimi domini Ludouici Regis mariti n(ost)ri charissimi, cuius vtputa
tutele et proteccioni antea suberant, Jn n(ost)ram Reginalem recepimus et assumsimus proteccionem tutelamq(ue)
et procinium speciale. Jmmo recipimus et assummimus, har(um) n(ost)rar(um) quibus sigillum n(ost)r(u)m appensum est
vigore et testimonio l(itte)rarum median(tibus) Datum in Arce Pragen(si) Octauo die visitacionis Beatissime
Marie virginis, Anno domini Millesimo Quingentesimo vigesimo Secundo:
Maria Regina m(anu) p(ropria)