Vniuersis sancte matris ecclesie filiis ad quos presentes peruenerint Nos dei gratia Gerhard(us) Maguntinensis et Burchard(us) Magdeburgensis Archiepiscopi Johannes
Cracouiensis Theoderic(us) Olomucensis Henric(us) de Insula sancte Marie Petrus Basiliensis Albert(us) Misnensis Henric(us) Caminensis Thomas Luiuoniensis Theoderic(us) Jauriensis
Henric(us) Merseburgensis Episcopi salutem et sinceram in domino karitatem Sanctorum meritis inclita gaudia fideles xp(ist)i assequi minime dubitam(us) qui eorum patro
cinia per condigne deuocionis obsequia promerentur Eapropter nos ad assequenda predicta sanctorum gaudia causam dare fidelibus cupientes vt Monasterium de Aula Regia
Pragensis dyoc(esis) in Bohem(ia) Cysterciensis ordinis quod ad honorem gloriose virginis Marie sanctorumque Wencezlai martiris est fundatum congruis honoribus frequentetur
et a cunctis xp(ist)i fidelibus iugiter veneretur Nos de omnipotentis dei misericordia et beatorum Petri et Pauli apostolorum eius Auctoritate confisi omnibus vere peni
tentibus et confessis qui ad predicti Monasterii sustentacionem quicquam de bonis sibi a deo collatis spiritu humilitatis et misericordie Manu porrexerint adiutricem
Aut in extremis laborantes quicquam de bonis suis eidem legauerint Necnon qui ad prefatum Monasterium causa deuocionis accesserint vel ibidem diuinum offi
cium seu verbum exhortacionis deuota mente Audierint a quolibet nostrum quadraginta dies de iniunctis sibi penitenciis dummodo dyocesanus loci hanc
nostram indulgenciam ratam habuerit misericorditer in d(omi)no relaxamus In cuius rei testimonium presens scriptum nostrorum sigillorum appensionibus duxim(us)
roborandum Datum Prage Anno domini Millesimo ducentesimo Nonagesimo septimo Pridie Nonas Junij