Elyzabeth dei gracia boem(ie) et Polon(ie) Regina ac lucemburgensis Comitissa omnibus inperpetuum Ex diuine inperscrutabili dis
pensacionis prouidencia concessa nobis regie prefecture fastigia et comissa diuersoru(m) gubernacula populoru(m) sic pluribus cottidie nos curis angari
ant et tamqua(m) folium quod a vento rapitur sollicitudinibus varijs nostru(m) animum circumducu(n)t quod inpossibile quottidie reputemus in istorum
debita sic sufficienter sic q(ue) irreprehensibiliter administracione nos gerere quin exhumano fragilitatis contagio comittamus pleru(m)q(ue) que displicent
et obmittimus frequenter que diuinis nouimus asspectibus placitura Verumptamen in hijs salutare dedit nobis diuina clemencia remediu(m) vt
per pietatis opera famulis et amicis dei exhibita mereri possimus misericorditer aput eum et de peccatis preteritis veniam et custodiam de futu
ris Quapropter tenore presencium nouerint vniuersi Quod nos no(n) confidentes in virtute propria sed personarum deo placencium
querentes existimantes pia intercessionum suffragia mentis nostre ad hoc intente conuertimus studium qualiter alicuius aprobati ordinis funda
re possemus Cenobium sanctimonialium feminarum Cum quibus aliquanto si fortasse sic deus disponeret secure valeremus et comode
habitare et cum eis residenciam facere corporalem Et primo quidem nobis de fundacione huiuscemodi cogitantibus absq(ue) plena discussione
futurorum exituum talis intencio nostro insedit animo quod in domo nostra foris ciuitatem minorem Pragen(sem) sita in qua et prius sorores ordi
nis fratrum predicatoru(m) habitaueru(n)t denuo fundare monasterium eiusdem ordinis sororibus deberemus Quod ad instanciam inportunam quorunda(m)
fratru(m) predicatoru(m) facere attemptauimus satis inprouide minus caute Nobis tamen reseruata omnium possessione bonoru(m) te(m)p(or)aliu(m) q(ue) posuimus eisde(m) sororibus
postea nos daturas Sperauimus aut(em) q(uod) ex illa locacione sororu(m) in eade(m) fundacione p(er) d(i)c(t)as sorores ordinis fratrum p(re)dicatoru(m) p(ro)concepta n(ost)re deuocio(n)i et pie inte(n)cioni
deberet satis fieri et q(uod) locus ille deberet p(ro)ficere sic plantatus Sed hoc minime factu(m) est nam in co(n)trariu(m) n(ost)ri desiderij res euenit Cepit namq(ue) in primordiali eius
dem n(ost)re fundacionis exordio domus nouella plus ad defectu(m) tendere qua(m) profectu(m) Quonia(m) ex p(er)sonaru(m) ibi locataru(m) negligencia et inuria tales ibidem co(n)uersacione
no(n) coperimus et feruore quales necessarij forent in fundac(i)o(n)e omiu(m) nouitate Ideo circa eas no(n) inmerito tepuit feruor n(oste)r iudiciu(m) errorem in pri(n)cipio ha
bere in fine maximu(m) fieri arbitrantes Quapropter maiori exinde deliberacionis p(er)pendiculo incepimus metiri talis diuini negocij p(ro)positum penitencia ducte infirme
quidem corpore sane mente Igitur maturiori co(n)silio super hijs habito sapientu(m) locu(m) prefatu(m) deo dicatu(m) volentes profic(er)e et stabilem p(ro) diuinis cultibus remanere
Ipsum ab occupacione et inhabitac(i)o(n)e sororu(m) p(re)d(i)c(t)i ordinis p(re)dicator(um) quas sine stabilimento nostroru(m) priuilegiorum et dyocesano irrequisito ibidem p(ro) te(m)pore examinacionis causa
locauimus et a toto ordine eodem Auctoritate regia exnu(n)c auferimus et ex causis legithimis reuocamus Pronunciantes ip(s)as sorores et totu(m) ordinem fratru(m) predicatorum
nullum ius debere habere loco vlterius in eodem Irritas quoq(ue) decernimus et dicimus esse nullas de certa sciencia omnes gracias quas cogitauerimus facere q(u)a(n)t(um)q(ue)
modo sororibus sepedictis Vt aute(m) in loco prius attemptate fundacionis n(ost)re laus dei nu(n)c p(ro)ficiat plus quam prius et ut nostru(m) prime inte(n)cionis desideriu(m)
auctore d(omi)no inpleatur Locum p(re)nominatu(m) cum eccl(esi)ia sancti michahelis sub wyssegrado sita in qua ius patronatus habemus et cu(m) vinea nostra sita in mo(n)te petno
cum omnib(us) iuribus vtilitatibus et prouentibus ac eorum pertinencijs vniuersis Quia quidem eccl(esi)iam et vineam cum iuribus earum nu(n)quam eisdem sororib(us)
p(re)d(i)c(t)is tradidimus aut donauimus Sed adhuc aput nos permanet possessio te(m)poralium et regimen eorumdem p(re)claro Cystercien(si) ordini et specialit(er) Mo
nasterio aule regie hec liberaliter et libere co(n)ferimus tradimus et donamus Taliter disponentes q(uod) religiosus ac deuotus nobis frat(er) petrus abbas aut q(ui)
pro tempore fuerit in fundac(i)o(n)e nostra in aularegia sepedictu(m) locum cu(m) eccl(esi)ia et iure patronatus necnon cum omnibus ac singulis iam pretactis Sororibus
tamen ordinis fratrum predicatorum exclusis possidere debeat et regere veluti pater abbas Tenebitur quoq(ue) ad hoc efficaciter laborare q(uod) in loco eodem Mo
nasterium sanctimonialium p(re)dicti Cystercien(sis) ordinis cum nostro et successoru(m) ac heredum nostroru(m) auxilio construatur Cuius filiacio ad ip(su)m monasterium aule regie
pertinebit Sic q(uod) abbas aule regie qui pro tempore fuerit habere debet tam spiritualium quam temporalium ibi curam secundum Cystercien(sis) ordinis instituta No(n)
obstantibus quibuscunq(ue) sollempnitatibus circa dictas sorores ordinis fratrum predicatorum per nos de facto factis aut priuilegijs
a quocunq(ue) a sede apostolica impetratis contradicentibus huic nostre vltimo voluntati Ad quorum omnium maiorem
euidentiam et robur perpetue firmitatis presentes conscribi et maiestatis nostre Sigillo iussimus communiri Datum in
Wyssegrado in domo prepositi Anno domini Millesimo Trecentesimo Tricesimo Tercio Idus Septembris